Itar.ge - ახალი ამბების პორტალი

საშემოდგომო "ყვავილების გამოფენა" ბოტანიკურ ბაღში

itar.ge — Thu, Jan 11 2024 12:00:00 +0400

საქართველოს ეროვნული ბოტანიკური ბაღის ორგანიზებით, „ყვავილების გამოფენა’’ უკვე მესამედ იმართება.

გამოფენის დათვალიერება: 1, 2 და 3 ნოემბერს 12:00 საათიდან 17:00 საათამდე იქნება შესაძლებელი.

გამოფენაზე, ბოტანიკური ბაღის კოლექციიდან, ქრიზანთემების 100-ზე მეტი, ხოლო გეორგინების 50-მდე ჯიშია წარმოდგენილი, ასევე, შემოდგომის ყვავილების მრავალფეროვნება და სხვადასხვა კომპოზიცია.

დამთვალიერებელს ქრიზანთემებისა და ტროპიკული ორანჟერეის მცენარეების, საშემოდგომო გვირგვინებისა და ხელნაკეთი ნივთების შეძენის შესაძლებლობაც ექნება. „ყვავილების გამოფენაზე“ თანამედროვე მხატვრების თემატური ნახატების, ეპოქსიდით შექმნილი ხელნაკეთი ნივთების გამოფენა-გაყიდვა, საშემოდგომო გვირგვინების, ლენტებით ქარგვისა და თიხით ძერწვის მასტერკლასი გაიმართება.

ეროვნულ ბოტანიკურ ბაღში „ყვავილების გამოფენა“ ტრადიციულად შემოდგომის პერიოდში ტარდება და ვიზიტორებს ყოველწლიურად განახლებული კოლექციების დათვალიერების შესაძლებლობა აქვთ.

როგორ დავიწყოთ ბიზნესი მარტივად საქართველოში

itar.ge — Thu, Jan 1 1970 4:00:00 +0400

საკუთარი ბიზნესის ქონა ყველას სურს, თუმცა ცოტამ თუ იცის, რომ ამ საქმისთვის სასიცოცხლოდ მნიშვნელოვანია სწორი კომერციული გადაწტყვეტილებების მიღება.

მომხმარებლებისთვის სწორი შეთავაზების გაკეთების გარდა, ბიზნესის კეთება ადმინისტრაციული საკითხების სწორად დაგეგმვასაც მოითხოვს.

ერთ-ერთი ასეთი საკითხია სწორი სამეწარმეო სტრუქტურის შერჩევა, ისეთის რომელიც ახალ კომპანიას საშუალებას მისცემს მაქსიმალურად გამოიყენოს კანონმდებლობით გათვალსწინებული საგადასახადო შეღავათები და სახელმწიფო პროგრამები.

დამწყები, განსაკუთრებით კი ახალგაზრდა ბიზნესმენებისთვის ასეთ ინფორმაციასთან წვდომა ხშირად საკმაოდ რთულია, და ბევრ დეტალში გარკვევას მოითხოვს. განსაკუთრებით კი ეს ეხება ისეთ ბიზნესებს, რომლის მომხმარებლებიც უცხოელები იქნებიან.

საკუთარი დროის ოპტიმალურად გამოყენებისთვისა და პოტენციური რისკის შესამცირებლად შესაბამისი გამოცდილების მქონე საკონსულტაციო კომპანიის შერჩევა ერთადერთი სწორი გამოსავალია.

ერთ-ერთი ასეთი კომპანიაა ჯორჯაფაი, რომელიც დაგეხმარებათ როგორც ინდ. მეწარმის, ასევე მცირე მეწარმის რეგისტრაციაში. დეტალური ინფორმაციისთვის დაინტერესებულ პირებს შეუძლიათ იხილონ სრული ინფორმაცია მცირე და ინდ. მეწარმის უპირატესობებზე რუსულ (Открыть ИП в Грузии) ან ინგლისურ ენაზე (Register an individual entrepreneur in Georgia). თქვენ შეგეძლებათ ისარგებლოთ ისეთი შეღავათიანი პირობებით, რომლებიც მინიმალური დანახარჯებით მოგიტანთ მაქსიმალურ სარგებელს თქვენი ბიზნესისათვის, მაგალითად 500 000 ლარამდე ბრუნვის შემთხვევაში ისარგებლოთ 1%-იანი გადასახადით, ან მიიღოთ სპეციალურად IT კომპანიებისთვის განკუთვნილი ვირტუალური ზონის ან
საერთაშორისო კომპანიის სტატუსი.

შეგახსენებთ, რომ ორგანიზაციის სერვისები დისტანციურადაც ხელმისაწვდომია.
„ჯორჯიაფაის“ (Georgiafy.ge) დახმარებით, თქვენ შეგეძლებათ ისარგებლოთ ისეთი შეღავათიანი პირობებით, რომლებიც მინიმალური დანახარჯებით მოგიტანთ მაქსიმალურ სარგებელს თქვენი ბიზნესისათვის, მაგალითად 500 000 ლარამდე ბრუნვის შემთხვევაში ისარგებლოთ 1%-იანი გადასახადით, ან მიიღოთ სპეციალურად IT კომპანიებისთვის განკუთვნილი ვირტუალური ზონის ან საერთაშორისო კომპანიის სტატუსი.

ჯორჯიაფაი დაგეხმარებათ შეარჩიოთ და დაარეგისტრიროთ თქვენი ბიზნესისთვის სასურველი ბიზნეს სტრუქტურა და ისარგებლოთ ხელსაყრელი საგადასახადო რეჟიმებით, რაც მეტ დროს მოგცემთ ბიზნესის მართვასა და განვითარებაზე კონცენტრირებისთვის.

ჯორჯიაფაის ისტორია ჯერ კიდევ 2016 წლიდან იწყება, მას ნელ-ნელა შემოუერთდნენ პროფესიონალები და შეიქმნა მეგობრული გუნდი, რომელმაც უამრავ წარმატებულ სტარტაპ კომპანიას გაუკვლია გზა წარმატებისკენ.
ჯორჯიაფაი გთავაზობთ რაც შეიძლება მარტივად, ზედმეტი დროის დანახარჯის გარეშე შეძლოთ თქვენი ბიზნესის დარეგისტრირება და ეტაპობრივად გადადგათ წარმატების მომტანი ნაბიჯები.

კომპანიასთან დაკავშირება ძალიან მარტივია - ეწვიეთ საიტს და შეძლებთ, უმარტივესად გაეცნოთ მომსახურებათა ნუსხას, რომელსაც ჯორჯიაფაი გთავაზობთ;

საიტზე ასევე წარმოდგენილია საქართველოში ბიზნესის დაწყებისათვის საჭირო სრული ინფორმაცია.

დამატებითი ინფორმაციის მისაღებად კი შეგიძლიათ იხილოთ ელექტრონული ფოსტის მისამართი და უშუალოდ მიმართოთ კომპანიას.

გისურვებთ წარმატებას!

ოქტომბრის ბოლო დღე _ ასტროლოგიური პროგნოზი

itar.ge — Thu, Jan 1 1970 4:00:00 +0400

ვერძი

საკმაოდ პოზიტიური დღეა, ჩართეთ დიპლომატია, დაალაგეთ ურთიერთობები, მოაგვარეთ საოჯახო საკითხები. იყავით კომუნიკაბელური და აქტიური.

კურო

ყურადღება მიაქციეთ ჯანმრთელობას. შეინარჩუნეთ სიმშვიდე, აკონტროლეთ განწყობა. საქმიანობაში დააკვირდით პროცესებს, გააანალიზეთ შედეგები, რესურსები.

ტყუპები

მეტი დრო დაუთმეთ სამსახურს, მოლაპარაკებებს. რაც შეეხება პირად ურთიერთობებს, როგორც წამოწყებას, ასევე გარჩევას, უკეთეს პერიოდს დაელოდეთ. წაახალისეთ საკუთარი თავი შენაძენით, რომლის ყიდვაც დიდი ხანია, გინდოდათ.

კირჩხიბი

საკმაოდ აქტიური დღეა, იყავით ზომიერი, ნუ გაუშვებთ შანსებს ხელიდან, როგორც პირად, ასევე საქმიან სფეროში. ფინანსური საკითხების წარმოებისთვის საკმაოდ ნაყოფიერი დროა.

ლომი

მშვენიერი პერსპექტივებით არის სავსე ეს დღე, ყველაფერი გაქვთ, შარმი, ენერგია. შეიცვალეთ იმიჯი, ყურადღება მიაქციეთ ახალ ნაცნობობას.

ქალწული

მიჰყევით ძველ საქმეებს, ახალი წამოწყებებისთვის ეს პერიოდი არაა გამართლებული. იყავით დაკვირვებული, იზრუნეთ იმ სიტუაციების დალაგებაზე, რომელიც ამას მოითხოვს.

სასწორი

კომუნიკაციებისთვის და აქტიურობისთვის დღე ნაკლებად რეკომენდებულია, შეიქმენით კომფორტული გარემო, მოუსმინეთ საკუთარ თავს. სამსახურში მეტი ყურადღება გამოიჩინეთ საბუთებთან მუშაობისას.

მორიელი

საქმიანობის კუთხით, საკმაოდ ნაყოფიერი დღეა, იყავით მოზომილი და დაკვირვებული, წარმატებულად ჩაივლის შეხვედრები, მოლაპარაკებები, რომელიც სხვადასხვა პროექტებსა და ფინანსურ საკითხებს შეეხება.

მშვილდოსანი

ნუ გადაიტვირთებით, გადაანაწილეთ თქვენი ძალები მთელ დღეზე. შემოიკრიბეთ გარშემო ისეთი ხალხი, რომლებიც თქვენს თვითშეფასებასა თუ განწყობაზე დადებით გავლენას ახდენენ.

თხის რქა

დაკავდით ჩვეული საქმიანობით, დააწყვეთ სამომავლო გეგმები. დაისახეთ ახალი მიზნები. გააანალიზეთ თქვენი ცხოვრება, რა გაკმაყოფილებთ, რა გინდათ შეცვალოთ. მომდევნო დღეები ხელს უწყობს თქვენი რეალობის გადაწყობას.

მერწყული

ყუადღება მიაქციეთ ემოციურ ბალანსს, ნუ გადაიტვირთებით. დღის მეორე ნახევარში მეტად გახალისდით, შეხვდით მეგობრებს, მოინახულეთ ადგილები, რომლებიც გუნება-განწყობას აგიმაღლებთ.

თევზები

აქტიური დღეა. დადებითად წარიმართება მათთვის, ვინც ჩართულია კომუნიკაციებისა და ვაჭრობის სფეროში. თუ რაიმე იმ გზით არ განვითარდება, როგორც ელოდით, დაიხმარეთ მეგობრები და კოლეგები. საღამოს კი დაისვენეთ და აღიდგინეთ ძალები.

მიცვალებულებსაც უკან ვაბრუნებო... მეოთხე დღეს თვალი გავახილე.. ცოცხალი ვარ

itar.ge — Thu, Jan 1 1970 4:00:00 +0400

მოკლე ისტორია ადამიანისა რომელიც მდუმარე ბერმა მამა ნარიმანმა სასწაულებრივად გადაარჩინა სიკვდილს. სოციალურ ქსელში გავრცელებულ ვიდეოში თავად გვიყვება განკურნებული ამ სასწაულის შესახებ

მოსალოდნელია ტემპერატურის მატება. დღის ამინდის პროგნოზი

itar.ge — Thu, Jan 1 1970 4:00:00 +0400

გარემოს ეროვნული სააგენტოს ცნობით, დღეს საქართველოში შედარებით თბილი და უნალექო ამინდია მოსალოდნელი. ჰაერის ტემპერატურა დღისით დაბლობსა და ბარში +15, +20 გრადუსის ფარგლებში დაფიქსირდება, ღამის საათებში კი დაბალი ტემპერატურა შენარჩუნდება.

თბილისში უნალექო ამინდი იქნება. ჰაერის ტემპერატურა დღისით +16, +18, ღამით კი +3, +5 გრადუსია მოსალოდნელი.

სანაპირო რაიონებში (ბათუმი, ქობულეთი, ანაკლია, ფოთი): თბილი და უნალექო ამინდი იქნება. ჰაერის ტემპერატურა დღისით +18, +20 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): თბილი და უნალექო ამინდია მოსალოდნელი. ჰაერის ტემპერატურა დღისით +18, +20 გრადუსი დაფიქსირდება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): თბილი და უნალექო ამინდი იქნება. ჰაერის ტემპერატურა დღისით +14, +18 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): უნალექო ამინდი იქნება. ჰაერის ტემპერატურა დღისით +10, +14 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): უნალექო ამინდი იქნება. ჰაერის ტემპერატურა დღისით +14, +18 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): თბილი და უნალექო ამინდი იქნება. ჰაერის ტემპერატურა დღისით +16, +18 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უნალექო ამინდი იქნება. ჰაერის ტემპერატურა დღისით +12, +16 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უნალექო ამინდი იქნება. ჰაერის ტემპერატურა დღისით +6, +11 გრადუსი დაფიქსირდება.

მარსზე სიცოცხლის ნიშნების აღმოჩენის შანსები გაიზარდა. ახალი კვლევები

itar.ge — Thu, Jan 1 1970 4:00:00 +0400

მარსის ზედაპირზე, გაყინული წყლის ქვეშ შეიძლება მიკრობები ცხოვრობდნენ. მეცნიერები ამ დასკვნამდე მივიდნენ NASA-ს ახალ კვლევაში.

მკვლევრებმა დაადგინეს, რომ მზის შუქის რაოდენობა შეიძლება საკმარისი იყოს ფოტოსინთეზის გასააქტიურებლად. მეცნიერებმა ამის გარკვევა კომპიუტერული მოდელირების გამოყენებით შეძლეს.

აღნიშნულია, რომ დედამიწის ყინულის შიგნით წყლის მსგავსი აუზები, ფაქტობრივად, სავსეა სიცოცხლით. საუბარია ბაქტერიებსა და მიკრობებზე, რომლებიც ენერგიას ფოტოსინთეზიდან იღებენ.

გამოცემა წერს, რომ მარსზე ორი სახის ყინული არსებობს: გაყინული წყალი და გაყინული ნახშირორჟანგი. ბოლო კვლევაში, მეცნიერებმა დაათვალიერეს წყლის ყინული, რომლის დიდი მოცულობები წარმოიქმნა თოვლისა და მტვრისგან.

ბოლოდროინდელმა კვლევამ აჩვენა, რომ მარსზე მტვრიანი ყინული იძლევა საკმარისი შუქის საშუალებას, რათა მოხდეს ფოტოსინთეზი სამ მეტრამდე სიღრმეზე.

შეგახსენებთ, რომ ადრე გავრცელდა ინფორმაცია, რომ SpaceX-ის რაკეტის წარმატებით დაშვებამ დააახლოვა ადამიანის მოგზაურობა მარსზე.

დღეს ქუთაისში ვეტერან ფეხბურთელთა მატჩი გაიმართება

itar.ge — Thu, Jan 1 1970 4:00:00 +0400

საქართველოს ფეხბურთის ფედერაციის ორგანიზებით, 18 ოქტომბერს, ქუთაისში საქართველოსა და ლატვიის ნაკრები გუნდების ლეგენდარული ფეხბურთელების ამხანაგური მატჩი გაიმართება. შეხვედრას, რომელშიც ქართველი და ლატვიელი ვეტერანი ფეხბურთელები მიიღებენ მონაწილეობას, რამაზ შენგელიას სახელობის სტადიონი, 21:00 საათზე უმასპინძლებს.

ბილეთებს შეძენა შეიძლება როგორც ოლნაინ, ასევე შენგელია არენას სალაროებში.

2025 წელს ყველა ნიშანი ბედის გზაგასაყარზე იქნება

itar.ge — Thu, Jan 1 1970 4:00:00 +0400

2025 წელი რამდენიმე საყურადღებო ასტროლოგიური მოვლენით დაიწყება. ერთი მხრივ, პლუტონსა და მერწყულს, მეორე მხრივ, მარსსა და ლომს შორის სერიოზული დაძაბულობა ადამიანებზეც მნიშვნელოვან გავლენას მოახდენს. როგორც ასტროლოგები ამბობენ, თითოეული ჩვენგანი რადიკალური გადაწყვეტილებების წინაშე აღმოჩნდება. მეტიც, ეს გადაწყვეტილებები განსაკუთრებით მნიშვნელოვანი და საბედისწერო იქნება. ასტროლოგიაში პლანეტების ოპოზიცია ყოველთვის ერთგვარი არჩევანია. სხვაგვარად ორი პლანეტა ერთმანეთს ვერ დაშორდება.

2025 წლის იანვარში ოჯახის დაგეგმვის, ბიზნესის განვითარებისა და საქმიანი ურთიერთობების შეცვლის თვალსაზრისით ბევრი ადამიანი მნიშვნელოვან გადაწყვეტილებას მიიღებს. ლომი ჩვენს სასიყვარულო სექტორსა და ინტერესებს აკონტროლებს, მერწყული, პირიქით, სოციალური მნიშვნელობის ნიშანია. ამიტომაც, ბევრი ადამიანი იანვარში ან დაქორწინებას გადაწყვეტს ან საბოლოოდ დაასრულებს ურთიერთობას, რომელიც ვეღარ ვითარდება. იგივე ეხება საქმიან ურთიერთობებს - რადიკალური ცვლილებებია მოსალოდნელი.

2025 წლის 30 იანვრიდან თევზებისა და ქალწულის ღერძზე კარმული კვანძები გადადიან. ეს კი იმას ნიშნავს, რომ სამყარო ბევრ ისეთ ცვლილებას შეგვახვედრებს, რომლებთანაც ადაპტირება სწრაფად მოგვიწევს. თევზების ნიშანში მომავლის კვანძი იქნება, რაც იმას ნიშნავს, რომ თითოეული ადამიანი ცხოვრების სრულიად განახლებულ ეტაპს დაიწყებს. ყველაფერი, რაც მოძველდა და აღარ მუშაობს, თქვენთვის ბედნიერება აღარ მოაქვს, საბოლოოდ დასრულდება და გადაწყვეტთ, თქვენი ცხოვრება სრულიად ახალ და საინტერესო იდეებს დაუთმოთ. აბსოლუტური გადაფასების წელი იწყება. იმ საკითხებმა, რაც ადრე მნიშვნელოვანი იყო, შესაძლოა, ისე დაკარგოს მნიშვნელობა, რომ თავადაც გაგიკვირდეთ. შესაბამისად, თქვენი გადაწყვეტილებებიც სიახლეებისაკენ სწრაფვით იქნება შთაგონებული.

წარსულის კვანძი ქალწულის ნიშანში იქნება. როგორც ასტროლოგები ამბობენ, ბევრ ადამიანს მოუწევს, ყველა იმ საკითხს, რაც წარსულში გადადო, მაგალითად, ჯანმრთელობის შემოწმება თუ სხვა, ახლა მიაქციოს ყურადღება და საბოლოოდ გადაჭრას.

2025 წელი თითოეულ ადამიანს მისცემს შანსს, ცხოვრების განახლებული ეტაპი დაიწყოს და საბოლოოდ დაემშვიდობოს იმას, რაც უკვე დიდი ხანია, მოძველდა, მაგრამ ჩვენი ცხოვრებიდან გაშვებას მაინც ვერ ვახერხებდით.

One Direction ის წევრი ლიამ პეინი გარდაიცვალა

itar.ge — Thu, Jan 1 1970 4:00:00 +0400

ბრიტანელი მომღერალი, ჯგუფ One Direction-ის ყოფილი წევრი ლიამ პეინი არგენტინაში დაიღუპა.

გარდაცვალების მიზეზად BBC ერთერთი სასტუმროს, მესამე სართულის აივნიდან გადმოვარდნას ასახლებს. ასევე ნახსენებია რომ ადგილიბროვ პოლიციაში შევიდა შეტყობინება სასტუმროში არსებული "შესაძლო ნარკოტიკული ან ალკოჰოლური ზემოქმედების ქვეშ მყოფი" ადამიანის შესახებ. პოლიციას სასტუმროს ეზოში, გარდაცვლილი ლიამის ცხედარი დახვდა.

ლიამ პეინი 31 წლის იყო. პოპულარობა მას ბრიტანულ X Factor-ზე შექმნილმა One Direction-მა მოუტანა, რომელშიც მასთან ერთად ჰარი სტაილზი, ზეინ მალიკი, ნაილ ჰორანი და ლუის ტომლინსონი მღეროდნენ.

გიორგი ქოჩორაშვილის მიმართვა

itar.ge — Thu, Jan 1 1970 4:00:00 +0400

გახარებული ვარ ეროვნული ნაკრების საუკეთესო დებიუტანტის პრიზის დაუფლებით. იმედია, ყოველწლიურად მძაფრი კონკურენცია იქნება ამ პრიზისთვის და ეროვნული ნაკრები მუდმივად მიიღებს ხარისხიან შევსებას. ძალიან მომწონს ქანდაკების ვიზუალი, საკულტო ფილმ ,,ფეოლადან'' ყველასთვის საყვარელი პერსონაჟის ხვედელიძის ფიგურა,- ამის შესახებ გიორგი ქოჩორაშვილი სოციალურ ქსელში გამოქვეყნებულ მიმართვაში წერს.

როგორც ფეხბურთელი წერს, იმედს იტოვებს, რომ ჩვენი თაობა ღირსეულად გადაიბარებს უფროსი თაობების ესთაფეტას და თითოეული ბავშვისთვის ვიქნებით მაგალითი, რომ ვიყოთ მეტი ვიდრე ფეხბურთელი!ძალიან დიდი მადლობა სარბიელსა და მის რედაქციას, ყველაზე ძველი, 1993 წლიდან არსებული და პრესტიჟული გამოკითხვის ორგანიზებისთვის.

„დიდი მადლობა ლევან ვარდოსანიძესა და თემურ ლომიძეს ნამუშევრისთვის. ეს პრიზი ეკუთვნის ყველა ჩემს გულშემატკივარს: ჩემს ოჯახს, სანდრას, მწვრთნელებს, თითოეულ თანაგუნდელს და ნაკრების შტაბის თითოეულ წევრს. და რა თქმა უნდა, ჩვენს საუკეთესო გულშემატკივარს, რომლის მხარდაჭერას ყოველთვის ვგრძნობთ! ვულოცავ მამარდას დამსახურებული პრიზის მიღებას! დარწმუნებული ვარ, ამ ტიტულს კიდევ არაერთხელ მოიგებს, უკვე პრემიერლიგასა და ჩემპიონთა ლიგაზე ჩატარებული უმაღლესი დონის სეზონების გამო.

ვულოცავ ბატონ მურთაზ ხურცილავას იმ ღვაწლის დაფასებას, რაც მან ქართული ფეხბურთისა და მის შემდგომ თაობებში ფეხბურთის სიყვარულის გაღვივებისთვის გააკეთა. იმედია, ჩვენი თაობა ღირსეულად გადაიბარებს უფროსი თაობების ესთაფეტას და თითოეული ბავშვისთვის ვიქნებით მაგალითი, რომ ვიყოთ მეტი ვიდრე ფეხბურთელი!ძალიან დიდი მადლობა სარბიელსა და მის რედაქციას, ყველაზე ძველი, 1993 წლიდან არსებული და პრესტიჟული გამოკითხვის ორგანიზებისთვის.

ასევე, გამოკითხვაში მონაწილე თითოეულ ჟურნალისტს. თქვენ ხართ ის ადამიანები, რომელთა ობიექტური კრიტიკა ძალიან საჭიროა პრობლემების შეფასებისა და განვითარებისთვის. შესაბამისად, თქვენგან ქებასა და დაფასებასაც სხვა ფასი აქვს.წარმატება ქართულ ფეხბურთს! ძალა ჩვენშია!კიდევ ერთხელ, გულითადი მადლობა ,,სარბიელს'', თითოეულ ორგანიზატორსა და მონაწილეს!" - წერს გიორგი ქოჩორაშვილი.

ამინდის მკვეთრი გაუარესება ხვალიდან. მოსალოდნელია თოვლი

itar.ge — Thu, Jan 1 1970 4:00:00 +0400

გარემოს ეროვნული სააგენტოს ცნობით, 17-18 ოქტომბერს საქართველოში მოსალოდნელია ძლიერი ქარი და წვიმა. მოსალოდნელი ნალექების დიდმა რაოდენობა შეიძლება მდინარეების წყლის დონის მატება და წყალმოვარნები გამოიწიოს მაგრამ საფრთხის დონე საშუალოა.

მაღალმთიან რეგიონებში მოსალოდნელია თოვლი, ელჭექი, სეტყვა.

ზღვის სანაპიროზე კი სინოფტიკოსების პროგნოზით მოსალოდნელია 3-4 ბალიანი შტორმული ღელვა. .

მაშველებმა სახლის სართულებს შორის გაჭედილი კნუტი გადაარჩინეს

itar.ge — Thu, Jan 1 1970 4:00:00 +0400

ცხოველთა მონიტორინგის სააგენტოს მაშველებმა მთაწმინდაზე, თაბუკაშვილის 45 ნომერში, საცხოვრებელი სახლის პირველ და მეორე სართულებს შორის გაჭედილი კნუტი გამოიყვანეს და მასზე მზრუნველ ადამიანებს ჩააბარეს. ინფორმაციას ცხოველთა მონიტორინგის სააგენტო ავრცელებს.

სააგენტო მადლობას უხდის მოქალაქეებს, რომელთა მიმართვის საფუძველზე, სააგენტოს მაშველები დედაქალაქის ბინადარ ცხოველებს ყოველდღიურ რეჟიმში ეხმარებიან.

სააგენტო განცახებაში მიმართავს ხალხს_ „განსაცდელში მყოფი ცხოველის აღმოჩენის შემთხვევაში, გთხოვთ, დაგვიკავშირდით სააგენტოს ცხელ ხაზზე 032 2 421 424“,

გორში ქალი ცუდად გახდა და გარდაიცვალა

itar.ge — Thu, Jan 1 1970 4:00:00 +0400

გორში 60 წლამდე ასაკის ქალი ქუჩაში ცუდად გახდა და დაიღუპა.

შემთხვევა სტალინის გამზირზე, სასტუმრო ,,ჯორჯია გოლდის'' წინ მოხდა.

ადგილზე მობილიზებულები არიან პოლიციელები და სასწრაფო დახმარების ბრიგადის ექიმები.

მათი ცნობით, ქალი გარდაცვლილი დახვდათ.

მიმდინარეობს მოკვლევა.

არ მჯერა...ეს საოცარი ადამინაი აღარ არის...

itar.ge — Thu, Jan 1 1970 4:00:00 +0400

გურამ გიგა აბულაძე "გიგა ჰაბის" დაფუძნებელი გარდაიცვალა.

„რამხელა გულის ნაწილი ჩამწყვიტე გიგუნ… ვერ ვწერ დავმუნჯდი… ჩემთვის სიმამაცის, სიძლიერის, სიყვარულის, ერთგულების, მეგობრობის, ადამიანობის, საუკეთესო შვილის და კიდევ ბევრი, ბევრი საუკეთესოს მაგალითი ჩემი ადამიანი გამიფრინდა… ჩემი შეუპოვარი ლომი!“

„ჩემი წილი ბედნიერება წაიღო და გაფრინდა“

„ვერ ვიჯერებ, რომ ეს საოცარი, უჭკვიანესი ადამიანი აღარ არის... ყველაზე მიზანსწრაფული, მშრომელი და მაგალითი იმისა, რომ შეუძლებელი არაფერია. დაგვტოვა და გაფრინდა ანგელოზებთან... უზომოდ მტკივა გული და არც ვიცი, სხვა რა ვთქვა...“ - წერენ გარდაცვლილის ახლობლები.

შეზღუდული შესაძლებლობის მქონე პირთა დამოუკიდებელი ცხოვრების ხარისხისა და ინდივიდუალური მხარდაჭერის სერვისების უზრუნველსაყოფად გიგა აბულაძემ "გიგას ჰაბის" სახით საინტერესო პროექტს ჩაუყარა საფუძველი, რომლის განხორციელებას რამდენიმე წელი დასჭირდა.

საქართველოს ეროვნული ნაკრები დღეს ალბანეთს დაუპირისპირდება

itar.ge — Thu, Jan 1 1970 4:00:00 +0400

ერთა ლიგის B დივიზიონის მეოთხე ტურში საქართველოს საფეხბურთო ნაკრები ალბანეთს დაუპირისპირდება. მატჩისწინა ვარჯიში ჩვენმა გუნდმა საგურამოში გამართა. საწვრთნელი პროცესის დაწყებამდე ჩატარდა ტრადიციული პრესკონფერენცია. ეროვნული ნაკრების მთავარ მწვრთნელთან, ვილი სანიოლთან ერთად მედიის კითხვებს ფეხბურთელმა, ლაშა დვალმა უპასუხა.

„უკრაინასთან შეხვედრის შემდეგ ცოტა უცნაური შეგრძნება გვაქვს, რადგან ეს იყო შეხვედრა, რომელშიც მოგება ან ქულის აღება მაინც შეგვეძლო. ბევრი რამ გვაკლდა და ხვალინდელ შეხვედრაში ჩემთვის ტაქტიკურ ცვლილებებზე უფრო მნიშვნელოვანი თამაშის კარგად დაწყება და 90 წუთის განმავლობაში კონცენტრაციის და აგრესიულობის შენარჩუნება იქნება“, - აღნიშნა „ჯვაროსნების“ მთავარმა მწვრთნელმა.
დვალმა კი განაცხადა, რომ გუნდმა უკრაინასთან თამაშის შემდეგ ძალები აღიდგინა.

„მოკლე დროში გვიწევს მეორე თამაშის ჩატარება. იგივე მდგომარეობაშია მოწინააღმდეგე გუნდიც. მაქსიმალურად აღვიდგინეთ ძალები და 24 საათი კიდევ გვაქვს. ვფიქრობ, თამაშისთვის მზად ვართ“, - აღნიშნა ფეხბურთელმა.

ყვითელი ბარათების გამო მატჩს გიორგი ქოჩორაშვილი გამოტოვებს. 3 ტურის შემდეგ „ჯვაროსნები“ 6 ქულით ჯგუფში ლიდერობას ჩეხეთთან იყოფენ.

შეხვედრა 20:00 საათზე, მიხეილ მესხის სახელობის სტადიონზე დაიწყება. მატჩის ყურება შესაძლებელი იქნება რესპუბლიკის მოედანზეც, სადაც სპეციალური ეკრანები დამონტაჟდება.

ქობულეთში ავარიას ერთი ადამიანი ემსხვერპლა

itar.ge — Thu, Jan 1 1970 4:00:00 +0400

ქობულეთში ავარიას ორსული ემსხვერპლა, დაშავებულია ორი ადამიანი. შემთხვევა სოფელ ხუცუბანში მოხდა.

არსებული ინფორმაციით, უხვი ნალექის გამო გზაზე გადაადგილება გართულება იყო, მძღოლმა საჭე ვერ დაიმორჩილა, გზის სავალი ნაწილიდან გადავარდა და ხეს შეეჯახა.

მომხდარზე შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლით დაიწყო.

გაფრთხილება მოსალოდნელი სეტყვის შესახებ სინოფტიკოსებისგან

itar.ge — Thu, Jan 1 1970 4:00:00 +0400

გარემოს ეროვნული სააგენტო დღეს, დღის მეორე ნახევარში ამინდის გაუარესებას იუწყება.

მათი ინფორმაციით 14 ოქტომბერს იმერეთის, აჭარისა და გურიის რეგიონებში იქნება წვიმა, ზოგან ძლიერი, ასევე მოსალოდნელია სეტყვა და ელჭექი. ნალექებმა შეიძლება გამოიწვიოს დასავლეთ საქართველოში მდინარეებზე წყლის დონის მატება.

მეწყერულ-ღვარცოფული პროცესების წარმოშობაა შესაძლებელი მთიან ზონებში.

სამ კილოგრამამადე არადეკლარირებული ოქრო, სარფის საბაჟოზე

itar.ge — Sun, Nov 10 2024 12:00:00 +0400

ფინანსთა სამინისტროს შემოსავლების სამსახურის ცნობით, "სარფის" საბაჟო გამშვებ პუნქტში მებაჟე ოფიცერმა ეჭვების საფუძველზე მოახდინა მოქალაქის ავტომობილის დეტალური ჩხრეკა, რის შედეგადაც სალონში არსებულ სათავშოში აღმოაჩნა ორ შეკვრად დაფასოებული 2,600 კილოგრამი არადეკლარირებული ოქროს ნაკეთობები.

არადეკლარირებული საქონლის საერთო საბაჟო ღირებულებამ ჯამში, 350,723 ლარი შეადგინა.

საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.

ბოლო ექვსი თვის მონაცემებით, საბაჟო კონტროლის ფარგლებში, სგპ. ,,სარფში" 10 კილოგრამამდე არადეკლარირებული ოქროს ნაკეთობების შემოტანის 67 ფაქტი იქნა გამოვლენილი, რომლის საერთო საბაჟო ღირებულებამ 1 401 119 ლარი შეადგინა.

"ცივი და ნალექიანი ამინდი" გარემოს ეროვნული სააგენტნოს განახლებული პროგნოზი

itar.ge — Sun, Nov 10 2024 12:00:00 +0400

გარემოს ეროვნული სააგენტო, ამინდის განახლებულ პროგნოზს აქვეყნებს:

12-15 ოქტომბერს საქართველოში მოსალოდნელი ამინდი

???? 12 ოქტომბერს სითბოს ფონზე საქართველოში ზოგან გაწვიმდება, ხოლო 13-15 ოქტომბერს მოსალოდნელია გრილი და დროგამოშვებით წვიმიანი ამინდი.

???? ქ. თბილისში 12 ოქტომბრის საღამომდე უმეტესად უნალექო ამინდი იქნება. 13-15 ოქტომბერს კი მოიღრუბლება და გაწვიმდება. ჰაერის ტემპერატურა დღისით +17, +19 გრადუსამდე დაიკლებს.

???? სანაპირო რაიონებში (ბათუმი, ქობულეთი, ანაკლია, ფოთი): 13 ოქტომბრის დღის მეორე ნახევრამდე თბილი და უნალექო ამინდია მოსალოდნელი, შემდგომში კი აგრილდება და გაწვიმდება. ჰაერის ტემპერატურა დღისით +19, +21 გრადუსამდე დაიკლებს.

???? დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 13 ოქტომბრის დღის მეორე ნახევრამდე თბილი და უნალექო ამინდია მოსალოდნელი, შემდგომში კი აგრილდება და გაწვიმდება. ჰაერის ტემპერატურა დღისით +18, +20 გრადუსამდე დაიკლებს.

???? დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 13 ოქტომბრის დღის მეორე ნახევრიდან გრილი და წვიმიანი ამინდია მოსალოდნელი. ჰაერის ტემპერატურა დღისით +16, +20 გრადუსი იქნება.

???? დასავლეთ საქართველოს მაღალმთიან რაიონებში (მესტია, ბახმარო): 13 ოქტომბრის დღის მეორე ნახევრიდან გრილი და წვიმიანი ამინდია მოსალოდნელი. ჰაერის ტემპერატურა დღისით +11, +16 გრადუსი იქნება.

???? ქართლში (რუსთავი, ბოლნისი, მარნეული, გარდაბანი, გორი, ცხინვალი): 12 ოქტომბერს შედარებით სითბოს ფონზე ზოგან გაწვიმდება, ხოლო 13-15 ოქტომბერს მოსალოდნელია გრილი და დროგამოშვებით წვიმიანი ამინდი. ჰაერის ტემპერატურა დღისით +17, +20 გრადუსი იქნება.

???? კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 12 ოქტომბერს შედარებით სითბოს ფონზე ზოგან გაწვიმდება, ხოლო 13-15 ოქტომბერს მოსალოდნელია გრილი და დროგამოშვებით წვიმიანი ამინდი. ჰაერის ტემპერატურა დღისით +16, +19 გრადუსი იქნება.

???? აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 12 ოქტომბერს შედარებით სითბოს ფონზე ზოგან გაწვიმდება, ხოლო 13-15 ოქტომბერს მოსალოდნელია გრილი და დროგამოშვებით წვიმიანი ამინდი. ჰაერის ტემპერატურა დღისით +13, +18 გრადუსი იქნება.

???? აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 12 ოქტომბერს ზოგან გაწვიმდება, ხოლო 13-15 ოქტომბერს მოსალოდნელია შედარებით ცივი და წვიმიანი ამინდი. ჰაერის ტემპერატურა დღისით +7, +12 გრადუსი იქნება.

ილონ მასკმა დღეს რობოტი-ტაქსი Cybercab წარადგინა

itar.ge — Sun, Nov 10 2024 12:00:00 +0400

Tesla-ს ხელმძღვანელმა ილონ მასკმა კალიფორნიაში, პრეზენტაციაზე რობოტი-ტაქსი წარადგინა.

TechCrunch-ი წერს, რომ ტაქსის არ აქვს საჭე და სატერფულები, მისი კარები კი ფრთებივით იშლება. სალონი მხოლოდ ორ ადამიანზეა გათვლილი, მათ წინ კი სენსორული ეკრანია გალაგებული.

Cyberсab-ის ღირებულება 30 ათას დოლარზე ნაკლებია. მასკი ვარაუდობს, რომ ტაქსის წარმოება 2026-2027 წლებში დაიწყება. მან ასევე აღნიშნა, რომ სრულად ავტონომიური სატრანსპორტო საშუალებები უფრო უსაფრთხო იქნება, ვიდრე ადამიანის მიერ მართვადი ავტომობილები.

Cyberсab-ის გარდა მასკმა წარადგინა ავტონომიური ფურგონი Robovan-ი, რომელსაც 20-მდე ადამიანის გადაყვანა შეუძლია. მისი ღირებულება და წარმოების თარიღი არ დაზუსტებულა.

პოლონეთში დაკავებული ქართველი მოქალაქეები. რა ბრალდებებით დააკავეს ისინი

itar.ge — Tue, Sep 10 2024 12:00:00 +0400

პოლონეთში, საქართველოს ორი მოქალაქე დააკავეს.

როგორც ადგილობრივი მედია იუწყება, 43 წლის ქართველს მკვლელობის მცდელობა ედება ბრალად, თანამზრახველობისთვის კი, მეორე 39 წლის ქართველია დაკავებული.43 წლის კაცს უვადო პატიმრობა ემუქრება.

პოლონეთის პოლიცია ავრცელებს კადრებს, რომელშიც ჩანს თუ როგორ მიდის ქართველი მანქანისკენ, სადაც ახალგაზრდა წყვილი ზის და მათი მისამართით ცეცხლსასროლი იარაღით ისვრის.

სასამართლომ მკვლელობის მცდელობისთვის დაკავებულს 3 თვით წინასწარი პატიმრობა მიუსაჯა.

ხვიჩა კვარაცხელიას ახალი ინტერვიუ "ფიფასთან". იგი კუმირთან შეხვედრას იხსენებს

itar.ge — Tue, Sep 10 2024 12:00:00 +0400

ხვიჩა კვარაცხელიამ "ფიფასთნ" ინტერვიუში, ევროპის ჩემპიონატზე კრიშტიანუ რონალდოსთან შეხვედრა გაიხსენა და გვიამბო ამ მატჩის მნიშვნელობაზე.

"ევროზე პორტუგალიასთან მატჩი ყველაზე მნიშვნელოვანი თამაში იყო. მე ვთამაშობდი იმ მოთამაშის წინააღმდეგ, რომელსაც ბავშვობიდან გავყევი და კერპად ვაფასებდი. თამაშის დაწყებამდე საკუთარ თავს ვუთხარი "ეს ჩემი მომენტია" და ვიცოდი, რომ ეს მოედანზე უნდა მეჩვენებინა. შენი კერპის წინააღმდეგ თამაში დიდი მოტივაციაა. წარმოუდგენელი იყო. ჩემთან მოვიდა და წარმატებები მისურვა. მთვარეზე ვიყავი და კიდევ უფრო დარწმუნებული ვიყავი, რომ საქართველო გაიმარჯვებდა. იმ საღამოს ყველაფერი გავეცი და ჩემს გუნდს ისტორიული შედეგის მიღწევაში დავეხმარე," - აცხადებს ხვიჩა კვარაცხელია.

"მინდა, რაღაც განსაკუთრებული გავაკეთო ჩემი ქვეყნისთვის. მჯერა, რომ რასაც ახლა ვაკეთებ ეს საქართველოს ეხმარება და პირიქით, საქართველო მეხმარება მე. უზომოდ ვამაყობ, რომ ქართველი ვარ. მადლობა ღმერთს, რომ საქართველოში დავიბადე და ამ ისტორიული ქვეყნის შვილი ვარ. მე ყოველთვის ყველაფერს გავაკეთებ იმისთვის, რომ ჩემმა ქვეყანამ ჩემით იამაყოს," - ამბობს ხვიჩა კვარაცხელია.

ევაკუაცია თბილისის სკოლებში. ჩაშლილი სასწავლო პროცესი

itar.ge — Wed, Jul 10 2024 12:00:00 +0400

სასწავლო პროცესი დღეს თბილისის რამდენიმე სკოლაში შეწყდა. ევაკუაციაა ევროპულ სკოლასა და ქართულ – უკრაინულ სასწავლო დაწესებულებაში.

ერთ-ერთი ვერსიით შენობებში სიგნალიზაცია ჩაირთო, რის გამოც ადმინისტრაციებმა საგაკვეთილო პროცესიდან ბავშვებისა და პედაგოგების ევაკუაციის გადაწყვეტილება მიიღეს.

ევაკუაცია გამოცხადდა ასევე, თბილისში, 41-ე საჯარო სკოლაში. არსებული ინფორმაციით, ამის მიზეზი გახდა ანონიმური სატელეფონო ზარი, რომ სკოლის შენობაში ასაფეთქებელი მოწყობილობაა.

ამ წუთებში სკოლაში საგაკვეთილო პროცესი ჩაშლილია. ადგილზე გამნაღმველებს ელოდებიან.

5 ოქტომბერი. დღის ასტროლოგიური პროგნოზი

itar.ge — Wed, Apr 10 2024 12:00:00 +0400

ვერძი

ნებისმიერ სფეროში, სიფრთხილე და თავშეკავება გამოიჩინეთ. სასურველია, მოერიდოთ მნიშვნელოვან საქმეებს და მხოლოდ წვრილმან, ყოფით საკითხებზე გადაერთოთ.

კურო

სხვა ადამიანების ინტერესების გათვალისწინებით, გარკვეული ცვლილებების დაგეგმვა მოგიწევთ, თუმცა, შესაძლოა, ყოველგვარი ქმედებების გარეშე, აისრულოთ დიდი ხნის ოცნება. ელოდეთ სასიამოვნო მოულოდნელობებს.

ტყუპები

შესაძლოა, თქვენს ცხოვრებაში გამოჩნდეს ადამიანი, რომლის მეშვეობითაც ნებისმიერი ჩანაფიქრის განხორციელებას შეძლებთ. ვიღაცისთვის ადრე გაწეულმა სამსახურმა და მხარდაჭერამ შესაძლოა, სწორედ ახლა გამოიღოს ნაყოფი.

კირჩხიბი

მატერიალურ საკითხებში აქტიურობისთვის კარგი დროა, სასიკეთო და სარგებლიანი იქნება ახალი ფინანსური წყაროების მოძიება. შესაძლოა, მიიღოთ ფული, რომელსაც არ ელოდით.

ლომი

დღეს, უჩვეულო ვითარებაში, შესაძლოა, საინტერესო ადამიანები გაიცნოთ, მაგალითად, საზოგადოებრივ ტრანსპორტში ან საგამოფენო დარბაზში. დაისვენეთ, ახლა ეს ძალიან გჭირდებათ.

ქალწული

დღევანდელი ვარსკვლავების განლაგება დიდი იმედებისა და მყუდროების მომტანი იქნება თქვენს ცხოვრებაში. განამტკიცეთ ოჯახური ურთიერთობები, გაიხსენეთ თქვენი „ფესვები“, საგვარეულო ტრადიციები - ეს მეტად სასიკეთო იქნება თქვენთვის.

სასწორი

სასიკეთო დღეა, შეგიძლიათ, ყველა მიმართულებით თამამად იმოქმედოთ, ოღონდ, არ დაგავიწყდეთ, რომ განტვირთვა აუცილებელია.

მორიელი

სასიყვარულო სფეროში სასიკეთო ცვლილებებია მოსალოდნელი, შესაძლოა სტატუსის შეცვლა, სასიხარულო მოვლენები, მაგრამ სიფრთხილე გამოიჩინეთ ჯანმრთელობასთან დაკავშირებით. არის ტრავმულობის ალბათობა.

მშვილდოსანი

შესაძლოა, დაუგეგმავად შეხვდეთ თქვენთვის საძულველ ადამიანს. იყავით თავშეკავებული, ემოციები გააკონტროლეთ და ყველაფერი კარგად იქნება. შეეცადეთ, განმარტოვდეთ.

თხის რქა

განმარტოების სურვილით ხართ მოცული, ფიქრებისა და დასვენების, სიზმრების თუ ილუზიების სამყაროში დარჩენას არჩევთ. უმჯობესია, დაისვენოთ და მნიშვნელოვანი საქმეები სამომავლოდ გადადოთ.

მერწყული

გამოიყენეთ დრო ახლობლებთან კონტაქტებისთვის, შეხვდით, დაგეგმეთ მათთან ერთად ახლო მომავალი, გაისეირნეთ ან ეწვიეთ გასართობ დაწესებულებებს.

თევზები

შეეცადეთ, ენას კბილი დააჭიროთ და არ გათქვათ თქვენი საიდუმლო. მოიძიეთ მხარდამჭერები და თანამოაზრეები, იმოქმედეთ დინჯად და სტრატეგიულად.