როგორც "როიტერსი" იტყობინება, კატალონიის სასამართლომ მამა-შვილი გადასახადების დამალვაში დამნაშავედ ცნო.

თუმცა, თითქმის 2 წლიანი პატიმრობის ნაცვლად ფეხბურთელს 2 მილიონი ევროს, მამამისს კი 1 მილიონი ევროს გადახდა მოუწევს.

ესპანეთის კანონმდებლობის თანახმად, თუ სასჯელი 2 წელზე ნაკლებია, შეიძლება იგი პირობით პატიმრობად შეიცვალოს.

ესპანეთის პროკურატურა ლიონელ მესის 2007 წლიდან 2009 წლამდე დაახლოებით 4 მილიონი ევროს ოდენობის გადასახადების დამალვაში ედავებოდა.

აღსანიშნავია, რომ ფეხბურთელის ფინანსურ საქმეებს წლების განმავლობაში მისი მამა - ხორხე ორასიო მესი მართავდა.