კანადაში, ბრიტანეთის კოლუმბიის ქალაქ ვიქტორიაში, პიტბულის ჯიშის შვიდი ძაღლი პატრონთან ერთად სეირნობდა. ალბათ ისინი სრულებით არ მოელოდნენ, რომ უცბად კატას, სახელად ბეიბის გადაეყრებოდნენ.

როგორც ძაღლების მეპატრონემ, კილა გრუვერმა გამოცემა The Vancouver Sun-ს განუცხადა, უშიშარი რეპუტაციის მქონე ჯიშის შვიდ ძალღს კატა თავს დაესხა.

„ძაღლები ტრადიციულად სეირნობდნენ, როცა მოულოდნელად მათ კატა დაესხა თავს, რომელიც გაჩერებას არ აპირებდა“.

მეპატრონის განცხადებით, საპასუხოდ კატას არც ერთი ძაღლი არ დასხმია თავს და ისინი მხოლოდ თავდაცვას ცდილობდნენ.

„კატა ძაღლებს სახეს კაწრავდა. გაშველების პროცესში, ცხოველმა მეც დამკაწრა“, — აცხადებს გრუვერი.

კატის ნაკბენების გამო, მეპატრონე ჰოსპიტალში მოხვდა. ნაკაწრების გამო სამედიცინო დახმარება დასჭირდა ერთ-ერთი პიტბულსაც, სახელად ბელინდას.

„ჰოსპიტალში იფიქრეს, რომ ძაღლს ენოტი დაესხა თავს. ვეტერინარებმა მას ანტიბიოტიკები დაუნიშნეს“, — აღნიშნა გრუვერმა.

კრემისფერი კატის პატრონის, დელ თომპსონის განცხადებით, ბეიბი შვიდი ძაღლის ერთდროულად დანახვამ შეაშინა. როგორც აღმოჩნდა, მამაცი კატა მას 16 წლის წინ ჰყავს შეძენილი.

თომპსონი და მისი მეუღლე დაშავებული ძაღლის მკურნალობისათვის ვეტერინარულ კლინიკას 222 დოლარს გადაუხდიან.