ყველა სახის სიგარეტის 20 თეთრით გაძვირება, ავტოსატრანსპორტო საშუალებების სავადებულო ტექნიკური დათვალიერება, ფარულ მოსმენა-მიყურადებაზე ე.წ. ორგასაღებიანი სისტემა და
გარემოს დაბინძურებაზე 5.000 ლარიანი ჯარიმა, - ეს ის კანონებია, რომელიც 2015 წლის 1-ელი იანვრიდან ამოქმედდება. Ambebi.ge ოთხივე კანონის შესახებ დეტალურ ინფორმაციას გთავაზობთ.


ყველა სახეობის სიგარეტი გაძვირდა

ყველა სახეობის სიგარეტი 20 თეთრით გაძვირდა. როგორც "ინტერპრესნიუსს" მაღაზიებსა და სავაჭრო ჯიხურებში განუცხადეს, სიგარეტზე ფასმა გუშინ მოიმატა. მათივე ინფორმაციით, ფასის მატება აქციზის ზრდამ გამოიწვია.

სავაჭრო ჯიხურებში თუ სიგარეტი "ვინსტონი" 2.20 ლარი ღირდა, 2.40 ლარი გახდა, "მარლბორო" თუ 3.00 ლარი ღირდა, 3.20 ლარი გახდა და აშ.

2015 წლის 1-ელი იანვრიდან ფილტრიან სიგარეტზე (20 ღერზე) აქციზის განაკვეთი გაიზარდა 0.15, ლარის ოდენობით; უფილტრო სიგარეტზე, 20 ღერზე – 0.05 ლარის ოდენობით.

გარდა ამისა, 2015 წლის პირველი ივლისიდან აქციზის გადასახადის "შერეული სისტემა" შემოდის. წარმოდგენილი მექანიზმის მიხედვით, ფილტრიანი და უფილტრო სიგარეტებისათვის აქციზის განაკვეთი იქნება საგადასახადო კოდექსით განსაზღვრული აქციზის განაკვეთის და ამ საქონლის საცალო-სარეალიზაციო ფასის 5%-ის ჯამი.

ავტოსატრანსპორტო საშუალებების ტექნიკური დათვალიერება სავალდებულო ხდება


ავტოსატრანსპორტო საშუალებების ტექნიკური დათვალიერება სავალდებულო ხდება 2015 წლის 1-ელი მარტიდან საქართველოში ავტოსატრანსპორტო საშუალებებისთვის ტექნიკური დათვალიერება სავალდებულო ხდება. ამ დრომდე ძალაშია "საგზაო მოძრაობის შესახებ" კანონის ის პუნქტი, რომელიც მომავალი წლის 1-ელი მარტიდან სატრანსპორტო საშუალებების გზისთვის ვარგისიანობაზე სავალდებულო ტესტირებას ითვალისწინებს. საუბარია იმის თაობაზეც, რომ მანქანების ე.წ. ტექდათვალიერება, შესაძლოა, კიდევ ორი წლით – 2017 წლამდე გადავადდეს, თუმცა შესაბამისი საკანონმდებლო ინიციატივით, მთავრობას პარლამენტისთვის ჯერ არ მიუმართავს.

დღემდე, ტექნიკური მდგომარეობის განსაზღვრის მიზნით, გზისთვის ვარგისობაზე სავალდებულო ტესტირებას მხოლოდ ის სატრასპორტო საშუალებები ექვემდებარება, რომლებიც ახორციელებენ ადგილობრივ საქალაქო რეგულარულ სამგზავრო გადაყვანას, საერთაშორისო გადაყვანა-გადაზიდვას, სახიფათო ტვირთის გადაზიდვას და რომელთაც სამი ტონა და მეტი ტვირთამწეობა გააჩნიათ.
ყველა სხვა სახის ავტოსატრანსპორტო საშუალების მფლობელისათვის ტექდათვალიერების განხორციელება ნებაყოფლობითია.



წაიკითხეთ  სრულად