თბილისის ივანე ჯავახიშვილის სახელმწიფო უნივერსიტეტმა 11 იანვრიდან დაგეგმილი ფინალური გამოცდები 21 იანვრამდე გადაიდო. ამის მიზეზად გრიპის ვირუსის გავრცელების პრევენცია სახელდება.

სასწავლო პროცესი 21 იანვრამდე შეჩერდა ილიას სახელმწიფო უნივერსიტეტშიც:

„გრიპის ვირუსის გავრცელების პრევენციისათვის საქართველოს განათლების, მეცნიერების, კულტურისა და სპორტის სამინისტროს რეკომენდაციის გათვალისწინებით ილიას სახელმწიფო უნივერსიტეტში სასწავლო პროცესი შეჩერდება 11-დან 21 იანვრამდე.“- აღნიშნულია ილიაუნის განცხადებაში.

17 იანვრამდე შეწყდა სასწავლო პროცესი საქართველოს ეროვნულ უნივერსიტეტშიც:

„გრიპის ვირუსის გავრცელების პრევენციის მიზნით სეუ-ში 10-16 იანვარს სასწავლო პროცესი შეწყდება და განახლდება ხუთშაბათს, 17 იანვარს.“- ნათქვამია საქართველოს ეროვნული უნივერისტეტის განცხადებაში.