61 წლის ტელეწამყვანმა ელენ დეჯენერესმა და მისმა 45 წლის მეუღლემ, მსახიობმა პორშა დე როსიმ კალიფორნიაში ახალი სახლი იყიდეს. მონტესიტოში მდებარე ულამაზესი სახლი მეუღლეებს 27 მილიონი დოლარი დაუჯდათ. სახლი 2011 წელსაა აშენებული და წინა მფლობელმა ის ნამდვილ სამოთხედ აქცია. სახლი 5 საძინებელს, 9 სადარბაზო ოთახს, აუზსა და ულამაზეს სამზარეულოს აერთიანებს.

ინტერიერი ეგზოტიკური დეტალებისგან შედგება და მისი შექმნისას ბუნებრივი მასალები გამოიყენეს. ამავე ტერიტორიაზეა ცალკე აშენებული სახლი სტუმრებისთვის და სატრენაჟორო დარბაზი.