თბილისში, დიღმის მასივში მდებარე 147-ე სკოლაში, ანონიმურმა პიროვნებამ სასწავლო ნაწილს დაურეკა და უთხრა, რომ თუ ბავშვებს ლობიანებს არ დაურიგებთ, ბომბი 1 საათში ამოქმედდება და სკოლა აფეთქდებაო.

როგორც "პრესა.ჯი"-ს  სკოლის ერთ-ერთი მოსწავლე უყვება, ზარის შემდეგ, სკოლაში ევაკუაცია გამოცხადდა, რამდენიმე წუთში კი ისევ დარეკა აღნიშნულმა ანონიმურმა პიროვნებამ სკოლაში და თქვა, რომ ეს ხუმრობა იყო. 

სკოლის ადმინისტრაციამ და 112-ის თანამშრომლებმა  კი უსაფრთხოების მიზნით, კვლავ ევაკუირებული დატოვეს ტერიტორია. 

როგორც ირკვევა, ერთ-ერთმა ბავშვმა იხუმრა, რომლის ვინაობაც სკოლის ადმინისტრაციისათვის მალევე გახდა ცნობილი. ის 5 000 ლარით დააჯარიმეს.