ადამიანის უფლებათა დაცვის კომიტეტის თავმჯდომარემ, სოფო კილაძემ კომიტეტის სხდომაზე განაცხადა, რომ ბავშვთა კოდექსის ახალი პროექტით, ღამის კლუბში არასრულწლოვნები 18:00 საათიდან 24:00 საათამდე მშობელთან ერთად შევლენ.

სოფო კილაძის თქმით მოქმედი კოდექსის 64-ე მუხლის პირველ ნაწილში აღნიშნული იყო, რომ ბავშვები ღამის კლუბში მშობლის ან კანონიერი წარმომადგენლის თანხლებით 24:00 საათამდე დაიშვებოდნენ, თუმცა არ იყო მითითებული რომელი საათიდან.

“თეორიულად საფრთხის შემცველი იყო ეს და ამიტომ ვთქვით, რომ 18:00 საათიდან 24:00 საათამდე მშობლის ან კანონიერი თანხმლების გარეშე არ დაიშვებიან“, – აღნიშნა სოფო კილაძემ სხდომაზე.