მსახიობი ლალი ბადურაშვილი, რომელიც შვილის დაკრძალვის დროს შეუძლოდ გახდა და კლინიკაში მოათავსეს, ცოტა ხნის წინ გონს მოვიდა. ამის შესახებ Ambebi.ge-ს მსახიობის ახლობლებმა განუცხადეს. “შვილის დაკრძალვაზე გონება დაკარგა, აღენიშნება მაღალი ტემპერატურა, აქვს ორივე ფილტვის ანთება და შესაბამისად, ჰაერის უკმარისობა.

გათიშვამდე უთქვამს, ერეკლეს გარდაცვალების შემდეგ ერთხელ ვჭამე ძალით, ცხოველი ვყოფილვარო” – განუცხადეს Ambebi.ge-ს მსახიო­ბის ახლობლებმა. ნინი ბადურაშვილის მამა, 57 წლის კინორეჟისორი ერეკლე ბადურაშვილი დღეს საბურთალოს სასაფლაოზე დაკრძალეს. ერეკლე ბადურაშვილი ორშაბათს, თირკმე­ლების მძიმე შეტევით გარდაიცვალა.