![ასეთი ძვირადღირებული საჩუქარი მიიღო შორენა ბეგაშვილმა ვალენტინობის დღეს](https://itar.ge/stories/creative/HprYO1676376117albom_rooms.jpg)
ზოდიაქოს 5 ნიშანი, რომელიც აუცილებლად მიაღწევს წარმატებას
- 04/04/19
- 1935 ნახვა
-
Facebook-ზე გაზიარება
![შოუბიზნესი](https://itar.ge/stories/sakitkhavi/mn4Wk1554381373albom_rooms.jpg)
1. ვერძი – ზოდიაქოს ამ ნიშნის ადამიანებს მრავალმხრივი ნიჭი აქვთ. არიან სპონტანურები, შეუძლიათ ინიციატივის გამოჩენა, ადვილად ადაპტირდებიან სიახლეებთან. იდეებით არიან სავსენი, მუდამ ახლის სწავლისკენ ისწრაფვიან. ამ ყოველივეს ერთობლიობა კი მათ წარმატებას განაპირობებს. ვერძი, ამასთანავე, ოპტიმისტია – არასოდეს ყრის ფარ-ხმალს და მუდამ ბრძოლის ჟინითაა სავსე. ვერძი აუცილებლად აღწევს დასახულ მიზანს. ის თავდაჯერებულია, იცის საკუთარი შესაძლებლობების შესახებ და მარტივად იღებს სარისკო გადაწყვეტილებებს;
2. ლომი – მამაცი ლომი აუცილებლად აღწევს წარმატებას. ზოდიაქოს ამ ნიშნის ადამიანებს ძალიან ბევრი ისეთი მახასიათებელი აქვთ, რომელთა წყალობითაც წარმატებას მარტივად აღწევენ.ის მუდამ აქტიურობს, დეტალებზეა ორიენტირებული, აქვს ინტუიციის გრძნობა და შეუძლია, მიხვდეს, რომელი საქმე იქნება წარმატებისმომტანი და რომელი – არა. არ ეშინია რისკის გაწევის. მიზანს აუცილებლად აღწევს. ლომი არასოდეს ნებდება;
3. ქალწული – ზოდიაქოს ამ ნიშნის ადამიანებს აქვს ანალიტიკური აზროვნების შესანიშნავი უნარი, არიან შრომისმოყვარეები. ყურადღებას ამახვილებენ დეტალებზე და სიფრთხილით ეკიდებიან ყველა საქმეს. ზოდიაქოს ამ ნიშნის ადამიანებს არ შეუძლიათ ემოციებისა და გრძნობების გამოხატვა და, ამის გამო, ყველას ეჭვი ეპარება მათ შესაძლებლობებში და წარმატებას მაშინ აღწევენ, როცა არავინ ელოდება ამას;
4. მორიელი – ზოდიაქოს ამ ნიშნის ადამიანები ყველანაირ საქმეს ვნებითა და ჟინით აკეთებენ და მსგავსი დამოკიდებულებით აღწევენ წარმატებას. მორიელს ვერაფერს დაუმალავთ – არ გაჩერდებიან, არ მოისვენებენ, სანამ სიმართლეს არ გაარკვევენ. ის შესანიშნავი ლიდერია. ყოველთვის მზადაა ახალი გამოცდილების შესაძენად, ჯიუტია, აქვს დიდი გამოცდილება და მრავალმხრივი შესაძლებლობები. შეუძლია ადამიანებთან ეფექტური კომუნიკაცია, რაც წარმატების მიღწევაში ეხმარება;
5. მერწყული – მერწყულები ორიგინალურები, პროგრესულად მოაზროვნეები და დამოუკიდებელი ნატურის ადამიანები არიან. ისინი ექსცენტრიკულობით გამოირჩევიან. არიან ენერგიულები, მოაზროვნეები და ინტელექტუალები. აქვთ პრობლემების მარტივად გადაჭრის უნარი.შეუძლიათ სხვადასხვა სიტუაციასთან მარტივად ადაპტირება. მათი სამყარო შესაძლებლობებითაა სავსე. მერწყულს შეუძლია ამ შესაძლებლობების დანახვა და, რაც მთავარია, მათი გამოყენება.