სამოქალაქო აქტივისტი, ირაკლი კაკაბაძე გადაცემა “სიცრუის დეტექტორში” ყოფილი პრემიერმინისტრის, ზურაბ ჟვანიას საქმესთან დაკავშირებით გაკეთებული განცხადების გამო პროკურატურაში დაიბარეს.
ინფორმაცია კაკაბაძემ imedinews-ს დაუდასტურა.
ცნობისთვის, ირაკლი კაკაბაძემ გადაცემა “სიცრუის დეტექტორში” განაცხადა, რომ ზურაბ ჟვანია გარკვეული ეკონომიკური ინტერესების მქონე ჯგუფების მსხვერპლი იყო. მისი თქმით, ჟვანიას ემუქრებოდნენ და ერთ-ერთი ასეთი მუქარა თვითონ მას, კაკაბაძესაც აქვს მოსმენილი.
ირაკლი კაკაბაძის თქმით, ამ თემის შესახებ მას ზურაბ ჟვანიასთან უსაუბრია.
ირაკლი კაკაბაძე უკვე პროკურატურაში იმყოფება.