შრი-ლანკაში აფეთქებებისას დაღუპულთა შორის დანიის უმდიდრესი ადამიანის შვილებიც არიან. ინფორმაციას The Independent-ი ავრცელებს.

ტერორისტულ თავდასხმას ანდერს ჰოლჩის სამი შვილი ემსხვერპლა. მილიონერის 4 შვილი შრი-ლანკაში სააღდგომო დღესასწაულთან დაკავშირებით ჩავიდა.   

დანიელი ბიზნესმენი Asos-ის მეწილეა. 

290 დაღუპული და 500-ზე მეტი დაშავებული - ასეთია შრი-ლანკაზე მომხდარი 8 აფეთქების შედეგად დაშავებულთა და დაღუპულთა შესახებ ბოლო მონაცემები. 

ქვეყნის ხელისუფლების ცნობით, მომხდარის გამო დაკავებულია 24 ადამიანი. თუმცა, ჯერ კიდევ უცნობია, ვინ დგას ამ სისხლიანი ტერაქტის უკან. ვრცელდება ინფორმაცია, რომ შრი-ლანკის ხელისუფლებას თავდასხმებთან დაკავშირებით უკვე აქვს წინასწარი ინფორმაცია, რომელიც ნაკლებად ცნობილ ისლამისტურ ჯგუფს უკავშირდება.

გუშინვე შრი-ლანკაზე, ბანდარანაიკეს აეროპორტში სამართალდამცველებმა ასაფეთქებელი მოწყობილობა იპოვეს მას შემდეგ, რაც ქვეყნის მასშტაბით 8 ადგილზე აფეთქება მოხდა.

შრი-ლანკის მთავრობამ მომხდარი აფეთქებების შემდეგ სოციალურ მედიაზე წვდომა დროებით დაბლოკა.