უკვე ცნობილია, რომ თურქული ტელეარხი ახალ სერიალს, სახელწოდებით "დაუმორჩილებელი სულთნები" იწყებს. სერიალი ოსმალეთის იმპერიის ისტორიულ მოვლენებს ეხება, სადაც მნიშვნელოვან როლს ქართველი ქალი სულთნებიც ასრულებდნენ.  

სერიალის ოფიციალური პრომოს გადაღება აგვისტოსთვის მოხდება, ტრანსლაცია კი თურქულ არხზე სექტემბრიდან დაიწყება. ამ დროისათვის, ცნობილია იმ ქართველი მსახიობების ნაწილის ვინაობა, ვინც ამ სერიალში მონაწილეობას მიიღებენ, მათ შესახებ ინფორმაციას, "პრესა.ჯი"-ს, საქართველოში, სერიალის ქასთინგ მენეჯერი და ერთ-ერთი სცენარის ავტორი, დავით ჯიჯიეიშვილი აწვდის.

ესენი არიან: ნანუკა სტამბოლიშვილი, თათა ჯაში, ნინო ლეჟავა, ქეთი შანთაძე, ქეთი ღაჭავა, თეო ცერცვაძე, ქეთევან მინდიაშვილი, ნინა მხეიძე, ნინო ვადაჭკორია, მარიამ კიკილაშვილი, თიკო კობალაძე, ასევე, მონაწილეობენ მირიან სტამბოლიშვილი (მსახიობ ნანუკა სტამბოლიშვილის ძმა), ლაშა მგელაძე (ნანუკა სტამბოლიშვილის მეუღლე) და სხვები.

საუბარია მომღერალ ლელა წურწუმიას მონაწილეობაზეც, თუმცა, როგორც მომღერლის მეუღლემ და პროდიუსერმა, კახა მამულაშვილმა (მამულიჩამ) განაცხადა, საბოლოო მოლაპარაკება ამ თვეში უნდა შედგეს.