პრინცი ჰარი და მეგან მარკლი დღეს ბუკინგემის სასახლეში მედიის წინაშე თავის ახლადდაბადებულ შვილთან ერთად წარსდგნენ. ახალშობილს ჯერ სახელი არ ჰქვია, პრინცმა აღნიშნა, რომ მშობლები ამასთან დაკავშირებით ჯერ კიდევ ფიქრობენ. ჰარის და მეგანის შვილი 6 მაისს დაიბადა და ბრიტანეთის ტახტის მემკვიდრეთა სიაში მე-7 ადგილი დაიკავა, რიგში მეექვსე მამამისი-პრინცი ჰარია.

„დედობა ჯადოსნურია, გასაოცარია. მე მსოფლიოში ორი საუკეთესო ბიჭი მყავს, ამიტომ ნამდვილად ძალიან ბედნიერი ვარ.“- განაცხადა მეგან მარკლმა იმ დროს როდესაც ჰარი შვილს ეფერებოდა „მას ძალიან ტკბილი ხასიათი აქვს, მშვიდია... ნამდვილი ოცნებაა.“ -აღნიშნა სასექსის ჰერცოგინიამ.

„არ ვიცი ვისგან მიიღო ეს ხასიათი“ - იხუმრა ჰარიმ.

„მშობლობა საოცარია“- განაცხადა ჰარიმ „ძალიან ამაღელვებელია როდესაც შენი საკუთარი სიხარული გყავს და მასთან გაატარებ ძვირფას დროს და ის თანდათანობით იზრდება.“