TOP-10 – ჰოლივუდის მრავალშვილიანი მამები
- 2014-02-21 15:46:10
- 6414 ნახვა
1.მელ გიბსონი - 8 შვილი
მსახიობისა და რობინ მურის ქორწინებას ჰოლივუდში იდეალურს ეძახდნენ. მათ 7 შვილი ჰყავთ, მაგრამ ისინი 2011 ოფიციალურად განქორწინდნენ, თუმცა 2009 წლიდან ცალ-ცალკე ცხოვრობდნენ. მელს მერვე შვილი ოქსანა ფიოდოროვამ გაუჩინა. ქალს პირველი ვაჟი ჰყავს ტიმოტი დალტონისგან. გიბსონი ახლა სპორტსმენ-კასკადიორ ეშლი კუზატოს ხვდება და არ გამორიცხავს, რომ მომავალში შეიძლება კიდევ გახდეს მამა.
2.ედი მერფი - 8 შვილი
4 ოფიციალური ქორწინებიდან მსახიობს 7 შვილი ჰყავს. პირველი ქორწინებიდან 1 შვილი, მეორე ქორწინებიდან 4 შვილი და არარეგისტრირებული კავშირით კიდევ 2 შვილი.
3.კევინ კოსტნერი - 7 შვილი
მსახიობს პირველმა ცოლმა სინტია სილვამ 3 შვილი გაუჩინა. მეორე ცოლმა, კრისტინ ბაუმგარტერმაც - 3; 1 უკანონო შვილი, ვაჟი ლიამი კი ბრიჯიტ რუნისგან ჰყავს.
4.მიკ ჯაგერი - 7 შვილი
4 ოფიციალური ქორწინებიდან მსახიობს 7 შვილი ჰყავს.
5.ჟან რენო - 6 შვილი
მსახიობი სულ სამჯერ იყო დაქორწინებული და თითოეულ მეუღლესთან ორ-ორი შვილი ჰყავს.
6.რობერტ დე ნირო - 6 შვილი
უამრავი რომანის შედეგად მსახიობს 6 შვილი ჰყავს. აქედან ტყუპი ვაჟი სუროგატმა დედამ გაუჩინა
7.ბრედ პიტი - 6 შვილი
რამდენიმეწლიანი რომანის შემდეგ, 2006 წლის დასაწყისში მსახიობმა აღიარა, რომ ანჯელინა ჯოლისთან აქვს რომანი. იმავე წლის 27 მაისს ნამიბიაში წყვილს გოგონა, შაილო ნუველი ეყოლა, 2008 წლის 12 ივლისს პარიზში ტყუპი - ბიჭი ნოქს ლეონი და გოგონა ვივიენ მარშელინი. გარდა ამისა, ბრედმა იშვილა ანჯელინას ყველა ნაშვილები ბავშვი და ახლა წყვილი 6 შვილის მშობელია. მიუხედავად იმისა, რომ ბრედი და ჯოლი ოფიციალურად არ დაქორწინებულან, ბავშვები ჯოლი-პიტის გვარს ატარებენ.
8.არნოლდ შვარცენეგერი - 5 შვილი
"რკინის არნი" 1986 წლის 25 აპრილს ტელეჟურნალისტ (იგი პრეზიდენტ ჯონ ფ. კენედის ნათესავიცაა) მარია შრაივერზე დაქორწინდა. წყვილს 4 შვილი ეყოლა. 2011 წელს შვარცენეგერმა კალიფორნიის გუბერნატორის პოსტი დატოვა და მარიასაც გაეყარა. თუმცა მანამდე ცნობილი გახდა, რომ შინამოსამსახურემ, რომელთანაც არნის 10-წლიანი რომანი ჰქონდა, უკანონო ვაჟი გაუჩინა.
9.პირს ბროსნანი - 5 შვილი
როცა პირსი მსახიობ კასანდრა ჰარისზე იყო დაქორწინებული, მისი 2 შვილიც იშვილა. მათ საერთო მესამე შვილი, შონ უილიან ბრონსონი ეყოლათ. კასანდრას გარდაცვალების შემდეგ მსახიობი აღარ აპირებდა დაქორწინებას, მაგრამ 2001 წლის 4 აგვისტოს ჟურნალისტ კილი შეი სმიტთან შეუღლდა და მათ 2 ვაჟი ეყოლათ.
10.სილვესტერ სტალონე - 5 შვილი
ამერიკელ მსახიობთან, საშა ზაკთან სლაის 2 ვაჟი ჰყავს; მესამე ცოლთან, ამერიკელ მოდელ ჯენიფერ ფლავინთან კი - 3 გოგონა.
