ფლორიდის შტატში, ქალაქ ჯექსონვილის მეიოს კლინიკის მკვლევარებმა შეიმუშავეს ვაქცინა, რომლის საშუალებით ძუძუს და საკვერცხის კიბოს არა მხოლოდ შეჩერება, მისი თავიდან აცილებაც იქნება შესაძლებელი .

როგორც მკვლევარები აღნიშნავენ, მათი შექმნილი ვაქცინა სრულიად უსაფრთხოა და მისი გამოყენება, სავარაუდოდ, 8 წელიწადში დაიწყება.

,,ეს არის სრულიად უსაფრთხო ვაქცინა, რომელიც იმუნური სისტემის დაცვითი მექანიზმს გააქტიურებს და დადებით ზეგავლენას მოახდენს მკერდის და საკვერცხის კიბოსთან ბრძოლაში.პაციენტებს მისი შეძენა აფთიაქებში ექიმის დანიშნულებით შეეძლებათ“ – ამბობს მეიოს კლინიკის მკვლევარი, კეიტ ნატსონი ,,ფორბსთან” ინტერვიუში.

მკვლევარები ამბობენ, რომ ეს ვაქცინა ჯერ-ჯერობით მხოლოდ ერთ ქალზე გამოსცადეს და კლინიკური გამოკვლევები აქტიურად გაგრძელდება.