ზესტაფონში ავტოსაგზაო შემთხვევის შედეგად საპატრულო პოლიციის თანამშრომელი გარდაიცვალა. ის 35 წლამდე მამაკაცია. არსებული ინფორმაციით, პატრულ-ინსპექტორი მანქანიდან იყო გადმოსული, როდესაც მას მსუბუქი ავტომობილი დაეჯახა. მძღოლი შემთხვევის ადგილიდან მიიმალა.

სამართალდამცველი საავადმყოფოში გადაიყვანეს, თუმცა მისი გადარჩენა ვერ მოხერხდა.

მიმდინარეობს საგამოძიებო მოქმედებები.

მომხდარზე გამოძიება 276-ე მუხლის მე-2 და მე-6 ნაწილით დაიწყო.