ამ წუთებში, მარნეულის მუნიციპალიტეტის შესასვლელში სპეციალურად მოწყობილი გამშვები პუნქტის დემონტაჟი მიმდინარეობს.

ადგილზე მობილიზებული არიან თავდაცვის ძალები და შსს-ს თანამშრომლები.

მარნეულის მუნიციპალიტეტი 23 მარტიდან მკაცრ საკარანტინო ზონად იყო გამოცხადებული და მისი დატოვების უფლება მოქალაქეებს არ ჰქონდათ.

ამ დრომდე, მარნეულში სულ 105 ათას ადამიანს ჩაუტარდა თერმოსკრინინგი.

მუნიციპალიტეტში ამ დრომდე COVID 19-ი 25 ადამიანს დაუდასტურდა და მათი ნაწილი უკვე გამოჯანმრთელდა.

შეგახსენებთ, რომ 18 მაისის დილის 06:00 საათიდან მარნეულის მუნიციპალიტეტი გაიხსნება და ადგილობრივ მოსახლეობას ტერიტორიის დატოვება შეეძლება.