"დიდი ტრაგედია დატრიალდა ჩვენს უბანში, ავტობანზე მომხდარ ავარიას ორი ავჭალელი ბიჭის წიცოცხლე შეეწირა" - ვინ არისნ ავჭალელი ბიჭები, რომლებიც დღეს ავტობანზე ავარიას შეეწირნენ
- 29/09/20
- 2759 ნახვა
-
Facebook-ზე გაზიარება
"ავარიის შედეგად დაშავებული ახალგაზრდა მამაკაცი კომატოზურ მდგომარეობაში, პოლიტრავმით შემოვიდა. პაციენტს აღენიშნება ქალა- ტვინის ტრავმა, დაჟეჟილობა, მარჯვენა მხრის მოტეხილობა, მუცლის ღრუს ტრავმა, სახის ძვლების მოტეხილობა. მისი ჯანმრთლობის მდგომარეობა არის უკიდურესად მძიმე. პაციენტი მოთავსებულია რეანიმაციულ განყოფილებაში. უტარდება ყველა საჭირო რეანიმაციული ღონისძიება", - განაცხადა კლინიკა „გორმედის“ კლინიკურმა დირექტორმა ხათუნა შრუბმა.
AMBEBI.GE-ს ინფორმაციით, უმძიმესი ავარიის შედეგად გარდაცვლილები არიან 24 წლის გიორგი კაპანაძე და 27 წლის როინი ელბაქიძე არიან. ისინი ავჭალაში ცხოვრობდნენ. მათ შესახებ სწორედ ავჭალელები წერენ "ფეისბუქზე" და უსამძიმრებენ გარდაცვლილთა ოჯახებს.
"დიდი ტრაგედია დატრიალდა ჩვენს უბანში. ავტობანზე მომხდარ ავარიას ორი ავჭალელი ახალგაზრდის სიცოცხლე შეეწირა. ტრაგიკულად დაიღუპნენ როინი ელბაქიძე და გიორგი კაპანაძე.
ვუსამძიმრებ გარდაცვლითა ოჯახებს, ნათესავებს და მეგობრებს. უფალმა დაუმკვიდროთ ცათა სამარადჟამო სასუფეველი" - წერენ ადგილობრივები სოციალურ ქსელში.
როგორც AMBEBI.GE-სთვის გახდა ცნობილი, ახალგაზრდები სამსახურიდან მივლინებით ქუთაისში იმყოფებოდნენ. უმძიმესი ავარია სწორედ იმ დროს მოხდა, როდესაც ისინი სახლში, თბილისში ბრუნდებოდნენ.
მომხდარ ფაქტზე გამოძიება სსკ-ის 276-ე მუხლის მე-8 ნაწილით მიმდინარეობს.