ამბობენ, რომ ქალებს ჩანთებით ათასი გამოუსადეგარი ნივთი დააქვთ. არადა არის შემთხვევები, როდესაც ამა თუ იმ ნივთის არ ქონამ შესაძლოა სერიოზული პრობლემები შეგიქმნათ. სპეციალისტებმა იმ ნივთების სიაც შეადგინეს, რომელიც ქალებს ჩანთაში მუდამ უნდა ჰქონდეთ:

1. სახლისა და მანქანის გასაღები

გასაღებების ასხმას თქვენს ჩანთაში ადგილი აუცილებლად უნდა გამოუყოთ. შესაძლოა თქვენ ამ ნივთებით სარგებლობა ხშირად ან პრაქტიკულად არასდროს გიწევვთ, მაგრამ შესაძლოა ერთ დღესაც ძალიან დაგჭირდეთ და არ აღმოგაჩნდეთ. იმისათვის, რომ გარეთ არ დარჩეთ, ჯობს გასაღებები ყოველთვის თან გქონდეთ.

2. საფულე ( სასურველია საკმარისი თანხით)

საფულე ყველა ქალის ჩანთაში დევს, მაგრამ რა დევს საფულეში? ექსპერტები აცხადებენ, რომ ქალს საფულეში გარკვეული ოდენობის თანხა, გაუთვალისწინებელი შემთხვევებისთვის,მუდამ უნდა ჰქონდეს. იმ შემთხვევაშიც კი თუ თქვენ პაემანზე მიდიხართ, ფული თან მაინც უნდა იქონიოთ და მამაკაცის გულუხვობის იმედად არ უნდა იყოთ, რადგან გაუთვალისწინებელი შემთხვევა აქაც შესაძლოა მოხდეს.

3. მობილური ტელეფონი

თითქოს მობილური ტელეფონის გარეშე ქუჩაში უკვე აღარავინ გადის, მაგრამ არსებობენ ადამიანები, რომლებსაც ხშირად რჩებათ მობილური სახლში. სპეციალისტების რჩევით, მობილური ტელეფონი ქალმა მაშინაც კი უნდა იქონიოს თან, როდესაც სახლიდან მხოლოდ რამდენიმე წითით გადის.

4. საწერი მოწყობილობა

ხშირად, რამის ჩასაწერად მობილურ ტელეფონებს ვიყენებთ, მაგრამ არის შემთხვევები, როდესაც მობილურში წერა არცთუ ისე მოსახერხებელია. ამიტომ, ჩანთაში სასურველია ყოველთვის გედოთ საწერი კალამი და ქაღალდი ან უბის წიგნაკი.

5. სავარცხელი

იმის ახსნას, თუ რად უნდა ქალს ჩანთაში სავარცხელი, სპეციალისტები არც აპირებენ. მათი აზრით, ეს არის ნივთი, რომელიც ქალს განუყრელად თან უნდა ჰქონდეს.

6. კოსმეტიკური საშუალებები

იმის მიუხედავად თუ სად აპირებთ წასვლას, კოსმეტიკა თან აუცილებლად უნდა გქონდეთ. თუ დილით მაკიაჟი უკვე გაიკეთეთ დღის განმავლობაში მისი შესწორება მაინც მოგიწევთ. ამიტომ,თვალის ჩრდილი, პომადა, ტუში და სარკე ჩანთაში ყოველთვის უნდა მოგეპოვებოდეთ.

7. ფრჩხილის ლაქი

მანიკიური შესაძლოა ნებისმიერ, არასასურველ დროს გაგიფუჭდეთ. ფრჩხილების მალვას სჯობს ფრჩხილის ლაქი თან ატაროთ და ნებისმიერ დროს მოიხმაროთ. ფრჩხილების გალამაზების გარდა, ლაქს სხვა დანიშნულებაც აქვს. თუ თქვენი კოლგოტი გაიხა და ახლის ყიდვის საშუალება არ არის, ფრჩხილის ლაქი გარკვეული დროით მაინც შეაკავებს წასულ თვალს.

8. ცხვირსახოცი

არ არის აუცილებელი ცხვირსახოცი თან მხოლოდ მაშინ იქონიოთ, როდესაც სურდო გაქვთ. ცხვირსახოცით, გამოუვალ სიტუაციებში, მტვრის გადაწმენდა ან ფეხსაცმილს გაწმენდაც შეიძლება.

9. ერთჯერადი, ჰიგიენური ხელსახოცები

წინდახედული ქალბატონების ჩანთაში ჰიგიენურ ხელსახოცებს ყოველთვის იპოვნით. მათი გამოყენება მრავალი დანიშნულებით შეიძლება. ხელსახოცები სახისა და კანის გასაწმენდად, ჭუჭყის მოსაცილებლად და ცხვირსახოცადაც გამოგადგებათ.

10. პრეზერვატივები

შესაძლოა დღის, ბოლოს მამაკაცთან ერთად ინტიმურ გარემოში აღმოჩნდეთ. იმისათვის, რომ თავი მაქსიმალურად დაცულად იგრძნოთ პრეზერვატივების შეკვრა მუდამ თან უნდა გქონდეთ.


ექსპერტების მტკიცებით, თუ ეს 10 ნივთი მუდამ თან გექნებათ უამრავი პრობლემის თავიდან აცილებას ადვილად შეძლებთ.



წყარო