“როცა ვამბობდი, ვერ დაითვლით მეთქი, ვითვლით ეხლა?”,-ამის შესახებ ამის შესახებ დაავადებათა კონტროლის ცენტრის ხელმძღვანელის მოადგილემ, პაატა იმნაძემ “ტვ პირველის” ეთერში განაცხადა.

კორონავირუსით გარდაცვლილთა სტატისტიკაზე საუბრისას მან აღნიშნა, რომ პატარა ქვეყნისთვის 1200-ზე მეტი გარდაცვლილი ძალიან ბევრია.

“დავითვალოთ, ხო, რამდენია? 1 200-ზე მეტია. ეს არის დასათვლელი ამ პატარა ქვეყნისთვის? რა იყო საჭირო? ნიღაბი უნდა გვეტარებინა და დისტანცია დაგვეცვა”, — აღნიშნა პაატა იმნაძემ.

როგორც იმნაძემ აღნიშნა, ის თვითონ არის გაკვირვებული, როგორ უძლებს ჯანდაცვის სექტორი ასეთ დატვირთვას.

ბოლო 24 საათის განმავლობაში კორონავირუსის 4 260 ახალი შემთხვევა დადასტურდა, გამოჯანმრთელდა — 2 947 ადამიანი, გარდაიცვალა — 45.