"შოკში ვიყავი, ვფიქრობდი, რომ ჩემზე იერიში, იმიტომ მოიტანეს, რომ წარმატებული ქალი ვარ ამ სფეროში, ან იმიტომ, რომ ეგვიპტელი ვარ," – ამბობს BBC-სთან მარვა.

International Maritime Organisation-ის ინფორმაციით, მსოფლიო მასშტაბით ქალები მეზღვაურების მხოლოდ 2 პროცენტს შეადგენენ. მარვა აღნიშნავს, რომ სანაოსნო სასწავლებელში სექსიზმს არაერთხელ წააწყდა.

"ჩვენი საზოგადოებისთვის ჯერ კიდევ მიუღებელია გოგოების მუშაობა ზღვაში, რადგან ისინი ოჯახისგან დიდი ხნით არიან მოწყვეტილები. მაგრამ, თუ გიყვარს რასაც აკეთებ, არ არის აუცილებელი, ყველას მოსწონდეს შენი გადაწყვეტილება" – ამბობს კაპიტანი.

იმის მიუხედავად, რომ მარვას დააბრალეს სუეცის არხში შექმნილი საცობი და სოციალურ ქსელებში უამრავი უარყოფითი კომენტარი დაიწერა კაპიტანი ქალის შესახებ, ელსელეჰდარი ​ ამბობს, რომ გამოხმაურებების ნაწილი მისთვის გამამხნევებელი იყო.

მარვა იმედოვნებს, რომ მისი საქმიანობა ბევრი ქალისთვის იქნება ინსპირაციის წყარო.