"როგორი დედა ვარ ეს მერიკომ უნდა თქვას. მე ვცდილობ მის გვერდით ვიყო და ამას ალბათ მეტ-ნაკლებად კარგად ვახერხებ. ის ნამდვილად არის დედაზე და მშობლებზე მიბმული შვილი.

ბებიებს და ძიძასაც თავისი როლი აქვთ მის აღზრდაში. გრაფიკის მიუხედავად საკმაოდ დიდ დროს ვუთმობ მერიკოს, ერთი წლის წინ ბაღშიც წავიდა” – განაცხადა მინისტრმა.

თეა წულუკიანმა ასევე ის დრო გაიხსენა, როცა ევერესტის საბაზო ბანაკში იყო და კილიმანჯარო დალაშქრა.

"იმედი მაქვს, როცა ჩემი შვილი დიდი იქნება, ჩვენ უკვე მასთან ერთად შევძლებთ მოგზაურობას. იმედი მაქვს მაშინ უკვე აღარ ვიქნები არანაირი თანამდებობის პირი, რომ ნორმალური ცხოვრებით ვიცხოვრო".

წამყვანი დაინტერესდა როგორი მზარეულია თეა წულუკიანი, რაზეც მინისტრმა შემდეგი პასუხი გასცა.

“როცა სტრასბურგში ვცხოვრობდი, მაშინ უფრო მეცალა და ჩვენ კარგი მეგობრები ვიყავით. ახლა დაშორებულები ვართ, მაგრამ იმედი მაქვს დროებით.

ეს არ არის ის რაც არ მომწონს. რომ გითხრათ, რომ ამის გარეშე ცხოვრება არ შემიძლია-მეთქი მოვიტყუები, მაგრამ როცა მაქვს დრო და ჩვენ ვმეგობრობთ, საკმაოდ კარგი შედეგიც იდება.