ახალქალაქის მუნიციპალიტეტში მამაკაცმა ოთხი ადამიანი დაჭრა, მათ შორის ყოფილი მეუღლე და 8 თვის ბავშვი. შემთხვევა სოფელ პატარა სამსარში მოხდა.
ოთხივე დაჭრილი კლინიკაში გადაიყვანეს.

როგორც მეტრონომს შინაგან საქმეთა სამინისტროში განუცხადეს, მომხდარ ფაქტზე პოლიციამ მამაკაცი უკვე დააკავა.

უწყების განმარტებით, გამოძიება სსკ-ის 19-108-ე მუხლით დაიწყო, რაც განზრახ მკვლელობის მცდელობას გულისხმობს.