![ასეთი ძვირადღირებული საჩუქარი მიიღო შორენა ბეგაშვილმა ვალენტინობის დღეს](https://itar.ge/stories/creative/HprYO1676376117albom_rooms.jpg)
11 წლის უმწეო გოგონა პირუტყვის სადგომში შეიყვანა და...
- 2015-03-02 08:31:13
- 4772 ნახვა
-
Facebook-ზე გაზიარება
![](https://itar.ge/stories/sakitkhavi/sam1.jpg)
გასულ კვირას ბათუმის სასამართლომ 24 წლის მამაკაცი უმძიმესი ბრალდებით გაასამართლა. მას 11 წლის გოგონას გაუპატიურებისთვის 16 წლითა და 6 თვით პატიმრობა შეუფარდეს. შემზარავი ფაქტი 2014 წლის 16 ნოემბერს ქედის მუნიციპალიტეტის ერთ სოფელში მოხდა.
რამაზ შავაძე, აჭარის პროკურატურის უფროსი პროკურორი: "24 წლის მამაკაცმა მეზობლის 11 წლის უმწეო გოგონა პირუტყვის სადგომში შეიყვანა და მასთან გაუკუღმართებული ფორმით დაამყარა სქესობრივი კავშირი. გოგონა გონებაჩამორჩენილია, აქვს ეპილეფსია და ფსიქიკური პრობლემები. ბავშვმა მშობლებს ყველაფერი უამბო და მეორე დღესვე დაიწყო გამოძიება. დამნაშავეს 16 წლით და 6 თვით თავისუფლების აღკვეთა შეეფარდა.
ბრალდებულის ადვოკატი რამინ გვარიშვილი: "ბრალდებულმა პირველი დღიდანვე ითანამშრომლა გამოძიებასთან. სამწუხაროდ, მისი გულწრფელი აღიარება არც პროკურატურამ და არც სასამართლომ არ გაითვალისწინა. ჩვენ საპროცესო შეთანხმების გაფორმება შევთავაზეთ პროკურატურას, სამწუხაროდ, სასამართლო პროკურატურიდან ოფიციალური პასუხის მიღებასაც არ დაელოდა, ისე გამოიტანა განაჩენი".
შორენა შარაძე: ქედის სოციალური მომსახურების სააგენტოს სოცმუშაკი: "ამ სახლში 5 მცირეწლოვანი იზრდება. სოციალურად დაუცველები არიან, უკიდურესად უჭირთ და ჩართულები არიან კრიზისულ მდგომარეობაში მყოფი ბავშვიანი ოჯახების პროგრამაში. გოგონა ინკლუზიურ სწავლებაში იყო მანამდეც და ახლაც მასწავლებლები მუშაობენ მასთან".
სამწუხაროდ, ქედაში მომხდარი ფაქტი არ არის ერთადერთი შემთხვევა. მსგავსი დანაშაული მოხდა გასულ კვირას გურჯაანის ერთ-ერთ სოფელში. 12 წლის გოგონა 18 წლის თანასოფლელი ბიჭისგან დაფეხმძიმდა. როგორც სოფელში ამბობენ, მას გოგონა სკოლიდან გაკვეთილების დროსაც გაჰყავდა. გოგონას დედასთან ინტერვიუს ჩაწერა შეძლო გურჯაანის ტელევიზიამ. დედის თქმით, მან შვილი ზაფხულში გაათხოვა:„"ეს ახალგაზრდების სურვილი იყო. მერე ფეხმძიმე გოგო გამოაგდო, უთხრა, მომწყინდი, მე უბრალოდ ქალი მინდოდა და ვერთობოდიო".
როგორც ირკვევა, 18 წლის ბიჭი ოფიციალურად სხვაზე იყო დაქორწინებული. ის გოგონაც 13 წლის ყოფილა, როცა ცოლად შეირთო. მალე დაშორდნენ, მაგრამ ცოტა ხნის წინ პირველ ცოლს ისევ შეურიგდა.
წაიკითხეთ სრულად