რუსმა გოგონებმა ქალაქ ნოვოსიბირსკში აქცია-პერფორმანსი მოაწყვეს - გაიხადეს და ერთ-ერთ მაგისტრალზე დაგუბებულ წუმპეში იმპროვიზებული პლაჟი გაითამაშეს. ამ აქციით მათ ქალაქის მერიის ყურადღების მიქცევა სურდათ - გოგონები აპროტესტებენ გზების საშინელ მდგომარეობას ნოვოსიბირსკში.


აქციის დროს გადაღებული ვიდეო ინტერნეტში განთავსდა და მას წინ უძღვის სატირული წარწერა შინაარსით: ”მადლობას ვუხდით ჩვენს კომუნისტ მერს იმისათვის, რომ ჩვენი ქალაქის მოსახლეობისთვის აღარაა აუცილებელი ზღვაზე წასვლა. ნებისმიერ მსურველს შეუძლია აი, აქ გაგრილდეს და ისიამოვნოს!”

იპროვიზირებული სანაპირო გოგონებმა ერთ-ერთ მთავარ ქუჩაზე მოაწყვეს, სადაც ბიკინებში გამოწყობილები მზეს ეფიცხებიან, წუმპეში ბურთით თამაშობენ, კოქტეილებს მიირთმევენ, ერთმანეთს ტალახიან წყალს ასხამენ და ა.შ.

იხილეთ  ვიდეო