![ასეთი ძვირადღირებული საჩუქარი მიიღო შორენა ბეგაშვილმა ვალენტინობის დღეს](https://itar.ge/stories/creative/HprYO1676376117albom_rooms.jpg)
რუსული კოსმოსური ხომალდი დედამიწაზე 8 მაისს ჩამოვარდება
- 2015-05-05 19:37:06
- 2994 ნახვა
-
Facebook-ზე გაზიარება
![ასტროლოგია](https://itar.ge/stories/gamogonebebi/1430830450922257.jpg)
შეერთებული შტატების კოსმოსური ოპერაციების ცენტრის ცნობით, რუსული კოსმოსური ხომალდი „პროგრესი“ დედამიწაზე 8 მაისს ჩამოვარდება.
ხომალდის ნამსხვრევები სავარაუდოდ ამერიკის წყნარი ოკეანის სანაპიროსთან ჩამოვარდება.
რუსულმა ავტომატურმა კოსმოსურმა ხომალდმა, „პროგრეს М27-М"“-მა 28 აპრილს აფრენიდან ცოტა ხანში მართვა დაკარგა, განსაზღვრულ ორბიტაზე გასვლა ვერ შეძლო და ამ დრომდე უკონტროლო მოძრაობას აგრძელებს.
კოსმოსურ ხომალდს საერთაშორისო კოსმოსურ სადგურზე ორ-ნახევარი ტონა ტვირთი, მათ შორის - საწვავი, კვების პროდუქტები და აპარატურა მიჰქონდა. ასევე, ხომალდს მეორე მსოფლიო ომში გამარჯვების დღის აღსანიშნავად ასტრონავტებისთვის დროშა უნდა ჩაეტანა.
სპეციალისტები "პროგრესის" ორბიტიდან გადასვლას 9 მაისისთვის ვარაუდობდნენ, შესაბამისად ხომალდის ჩამოვარდნის ზუსტი ადგილი ჯერჯერობით დაუდგენელია.