ქეთა თოფურიას სახლი თანამედროვე ინტერიერული ტენდენციებისა და საკმაოდ ორიგინალური სტილის ნაზავია. მისი შემქმნელი ინტერიერის დიზაინერი ლელა ქავთარაძეა, რომელიც რუსეთში მოღვაწეობს. ქეთა ამბობს, რომ უნდოდა, ჰქონოდა თანამედროვე ინტერიერი, რომელიც რაღაცით სასტუმროს აპარტამენტებს მოაგონებდა.
უნიკალური სტილი უკვე დერეფანში ჩანს, სადაც ბევრი ორიგინალური დეტალია, დეკორატიული პანელები, სტუდიოს ტიპის მისაღები, სადაც სასადილო, სასტუმრო ოთახები და სამზარეულო გაერთიანებულია. ავეჯიც და დეკორის ნივთებიც ექსკლუზიურია, მაგალითად, იტალიური სამზარეულოს გარნიტური, ასევე იტალიური ბარის სკამები და განათება.
კედლებზეც ექსკლუზიური ნივთები კიდია. მაგალითად, პარიზში შეძენილი მეტალის კომპოზიცია.

იხილეთ  ფოტოგალერეა