![ასეთი ძვირადღირებული საჩუქარი მიიღო შორენა ბეგაშვილმა ვალენტინობის დღეს](https://itar.ge/stories/creative/HprYO1676376117albom_rooms.jpg)
რომელ ფსიქოტიპს განეკუთვნებით ზოდიაქოს ნიშნის მიხედვით
- 2016-02-14 08:27:24
- 2580 ნახვა
-
Facebook-ზე გაზიარება
![](https://itar.ge/stories/sakitkhavi/123_6c8e5.jpg)
არსებობს მოსაზრება, რომ ასტროლოგია და ფსიქოლოგია ერთმანეთთან საკმაოდ ახლოს მდგომი დარგებია. ასტროლოგოურად თორმეტი ნიშანი და თორმეტი განსხვავებული ფსიქოტიპი არსებობს, რომელსაც ადამიანები იმის მიხედვით შეესაბამებიან, თუ კონკრეტულად რომელი ნიშნის გავლენით დაიბადნენ. თუმცაღა, როგორც აღმოჩნდა, უფრო კონკრეტული ახსნაც მოეძებნება ზოდიაქოს თითოეულ ნიშანს ფსიქოლოგიური კუთხით
ასე მაგალითად, ვერძები – ცვალებადი ქოლერიკები არიან. მათი ხასიათი ძირითადად ოპტიმისტურია, თუმცაღა ახასიათებთ მოულოდნელი ფეთქებადობა და უმართავი ემოცია.
კუროები – ინტროვერტი მელანქოლიკები არიან. მათ უმრავლესობას გარკვეული "სოციოფობია" ახასიათებს. კუროს უყვარს სიმყუდროვე, ვიწრო წრეში ყოფნა და მიდრეკილია პერიოდულად მელანქოლიურ-რომანტიული განწყობისკენ.
ტყუპი – ინტროვერტი-სანგვინიკები არიან. რაც იმას ნიშნავს, რომ მიუხედავად ამ ხალხის მხიარული, კომუნიკაბელური ხასიათისა მათ გააჩნიათ პერიოდული განმარტოების, სიცივის და საკუთარ თავთან "ბაასის" მოთხოვნილება.
კირჩხიბი – ლირიკული-ფლეგმატიკია. სენსიტიური, ემოციური და პერიოდულად საშინლად წუწუნა. ზოგჯერ განგებ ირგებს "წამებულის როლს", მხოლოდ და მხოლოდ იმის გამო, რომ მოეფერონ, თავზე ხელი გადაუსვან და უთხრან, რომ ყველაფერი კარგად იქნება.
ლომები – ექსტრავერტი-ქოლერიკები არიან. მათთვის დამახასიათებელია მოთხოვნილება მუდმივი დემონსტრირება გაუწიონ საკუთარ ვიზუალურ მახასიათებლებს, გონებას, განათლებას, ქონებრივ შესაძლებლობებს და ა.შ. თუმცა, ლომსაც ვერძის მსგავსად, ცეცხლოვანი ტემპერამენტი გააჩნია და ემოციური აფეთქებები ახასიათებს.
ქალწულები – პოზიტიური მელანქოლიკები არიან. მათ ხასიათში ყველაზე აუტანელი თვისება სკეპტიციზმი და მეწვრილმანეობაა, თუმცა ამის კომპენსირებას ქალწული სხვებზე ზრუნვის ჩვეულებით შესანიშნავად ახდენს.
სასწორები – მშვიდი სანგვინიკები არიან. ამ ხალხის ბუნება მომართულია პოზიტივის ძიებისკენ. მათთვის დამახასიათებელია კეთილგანწყობილი ხასიათი, დიპლომატიური მიდგომა სხვების მიმართ და ზომიერი კომუნიკაციის უნარი.
წაიკითხეთ სრულად