ალბათ, ბევრს გსმენიათ, რომ საბჭოთა პერიოდში გამოშვებული სავარჯიშო გირების შემსყიდველები მათ საკმაოდ სარფიან ფასად იბარებენ. ირკვევა, რომ ასეთივე მოთხოვნადია ძველი გირები აზერბაიჯანშიც, რის შესახებაც ადგილობრივი ვებგვერდები იუწყებიან და წერენ, თუ რაშია საიდუმლო.

ძირითადი მოთხოვნა არის ე.წ. „Гиря неваляшка“-ზე. საქმე ისაა, რომ მაშინდელი გირები დამზადებულია ფოლადისაგან, რომლის შემადგენლობაშიც პოლადიუმის შენადნობის წილი დიდია. მაშინ ამ მეტალს ნაკლებად აფასებდნენ. დღეს კი ის საკმაოდ ძვირად ფასობს. ამიტომაც, ბაქოელებს აფრთხილებენ, ვინც აღნიშნული გირების დაბალ ფასად ჩაბარებას სთავაზობს, თავი არ მოატყუებინონ. ინტერნეტში წერენ, რომ ასეთი გირის ფასი სინამდვილეში 5-10 ათასი აშშ დოლარია. ასევე, ვრცელდება ინფორმაცია, რომ მის შემადგენლობაში შედის ძალიან იშვიათი, ხელოვნურად სინთეზირებული ქიმიური ელემენტი, რომელიც ოქროს ანალოგია. მეტიც, ოქროზე ძვირად ფასობს.


info9.ge