მსოფლიოს გარშემო მოგზაურობისას დაღუპული 40 წლის სარა იანგი ოკეაეში დაკრძალეს.

როგორც მოყვარულთა რბოლის ორგანიზატორებმა განაცხადეს, გარდაცვლილის ოკეანეში დაკრძალვის ნებართვა მათ ოჯახისგან მოიპოვეს.

BBC-ს ცნობით, ქალის გარდაცვალების დეტალებს გამოძიება დაადგენს.

The Clipper Round the World Yacht Race-ის დროს, რომელიც 1995 წლიდან იმართება, უბედური შემთხვევა წყნარ ოკეანეში მოხდა. მოგზაური ქალი ტალღამ ღია ზღვაში გადაისროლა.

სარა იანგი ბიზნესმენი იყო - ლონდონში კომპანიას ფლობდა. გუნდი IchorCoal (CV21), რომლის შემადგენლობაშიც ის იმყოფებოდა, ჩინეთიდან აშშ-ში მიემართებოდა.

გუნდის კაპიტანმა განაცხადა, რომ ქალი გემს უამინდობისას ალაგებდა, რა დროსაც, უბედური შემთხვევა მოხდა.

უამინდობის გამო, მისი გადარჩენაც გაჭირდა. წყლიდან დაგვიანებით ამოყვანილი ქალი კი უკვე გარდაცვლილი იყო.


info9.ge